जनप्रतिनिधिले कुटपिट गरेको पीडित पक्षको आरोप

  ०७८ फागुन ९ गते

दिक्तेल रूपाकोट मझुवागढी नगरपालिकाका नगर कार्यपालिका सदस्य दिक्तेल रूपाकोट मझुवागढी नगरपालिका–२ का ३६ वर्षीय गङ्गा विश्वकर्माले दिक्तेल रूपाकोट मझुवागढी नगरपालिका–८ का ३८ वर्षीय वडाध्यक्ष लिला चौहान र मेयरका स्वकिय सचिव सोही ठाउँका ३५ वर्षीय विकल्प राईले कुटपिट गरेको आरोप लगाउनु भएको छ ।

कार्यपालिकाका विषयमा समीक्षा भइरहेको अवस्थामा आरोपितद्घयले फागुन ५ गते कुटपिट गरेको पीडितले इन्सेक प्रतिनिधिसँगको फोन सम्पर्कमा बताउनु भयो ।

कुटपिट घटनाका आरोपित वडा–८ का वडाध्यक्ष लिला चौहानले कुटपिट नभएको बताउनु भयो । अर्का आरोपित विकल्प राईले कुटपिटका विषयमा आफूलाई जानकारी नभएको इन्सेक प्रतिनिधिसँगको फोन सम्पर्कमा बताउनु भयो ।

कुटपिटमा विषयमा नगरपालिकामा पीडितले मौखिक जानकारी गराएको दिक्तेल रूपाकोट मझुवागढी नगरपालिकाका ४२ वर्षीय मेयर दीपनारायण रिजालले बताउनु भयो । उहाँले दुवै पक्षबिच मिलापत्र गराउने बताउने बताउनु भयो ।

कुटपिट घटनाका आरोपितद्घयले पीडितलाई कुटपिट गर्नुका साथै जातीय हिसाबले गालीगलौच गरेको भन्दै नेपाल दलित मुक्ति मोर्चा जिल्ला कमिटि खोटाङका संयोजक पर्शुराम विश्वकर्माले दोषीलाई कारबाहीको माग गर्नु भएको छ ।

संयोजक विश्वकर्माले फागुन ८ गते एक विज्ञप्ति जारी गरी दोषीलाई जातीय विवेद तथा सामाजिक अपराध २०७५ मा भएको व्यवस्था भए वमोजिम कारबाही गर्न माग गर्नु भएको छ ।


तारानाथ फुयल