जनकपुर उपमहानगरपािलका वडा नं. १९ को पुनः मतगणना गर्न उच्च अदालतको आदेश

जनकपुर उपमहानगरपालिका–१९ को मतगणना बदर गरी पुनः मतगणना गर्न उच्च अदालत जनकपुरले साउन १७ गते आदेश जारी गरेको छ । उक्त वडामा सङ्घीय समाजवादी फोरमबाट जगदिश यादव वडा अध्यक्षमा निर्वाचित भएका थिए ।

स्थानीय चुनावमा वडा नं. १९ मा सङ्घीय समाजवादी फोरमका उम्मेदवार जगदीश यादव ७ सय ८७ मत प्राप्त गरी प्यानलसहित वडाध्यक्षमा विजयी भएका थिए । त्यस्तै वडाध्यक्षका अर्का उम्मेदवार तत्कालीन नेकपा एमालेका विनोदकुमार साह ७ सय ८१ मत प्राप्त गरी ६ मतले पराजित भएका थिए ।

६ मतले पराजित तत्कालीन नेकपा एमालेका वडाध्यक्ष उम्मेदवार साहले मतगणनाको क्रममा मतगणना अधिकारीहरूले ७ वटा मतपत्र लुकाई जगदिश यादवले जितेको भनी परिणाम घोषणा गरेका थिए ।

आपूmलाई हराएको परिणाम घोषणा गरेको भन्दै उच्च अदालत जनकपुरमा ०७४ असोज ९ गते हुलाक मार्फत पुनः मतगणा गराउन माग गर्दै जिल्ला निर्वाचन कार्यालयविरूद्ध रिट दिएको थियो । रिटमा सुनुवाइ गर्दै साउन १७ गते उच्च अदालतका न्यायाधीश डा.रवि शर्मा अर्यालको एकल इजलासले आउँदो भदौ २६ गते बिहान ११ बजे दुवै पक्षलाई राखी मतगणना दोहो¥याउन जिल्ला निर्वाचन कार्यालय धनुषालाई अदेश दिएको छ ।

साथै दुवै पक्षलाई पूर्व सूचना दिई सूचना पाएको भरपाई मिसिल साथमा राखी मतगणनाको आवश्यक व्यवस्थापन गरी अदालतलाई जानकारी गराउन पनि अदालतले आदेश गरेको हो ।

अदेशमा भनिएको छ–‘मतगणना सम्पन्न भएको मुचुल्कामा भएको सङ्ख्या र परिणाम घोषणा मुचुल्कामा रहेका मत सङ्ख्याहरू फरक–फरक देखिएबाट निर्वाचन कसुर तथा सजाय ऐन २०७३ को दफा ४४ को उपदफा १ को देहाय (क),(ख) र (ग) बमोजिम मतगणना कानुन बमोजिम गर्नु पर्नेमा सोही बमोजिम उक्त मतगणना कार्य सोही ऐनको दफा ४४ को उपदफा २ बमोजिम बदर भई दोहो¥याई मतगणना गर्न यो आदेश गरिएको छ ।

परिणाम घोषणाकै बेला असन्तुष्ट हुँदै वडाध्यक्षका उम्मेदवार साह मतदान अधिकृतलाई मतगणना दोहो¥याउन माग गर्दै जिल्ला निर्वाचन कार्यालयमा उजुरी दर्ता गराउन जाँदा दर्ता नगरेपछि २०७४ असोज ९ गते हुलाकमार्फत निवेदक साहले उच्च अदालत जनकपुरमा रिट दर्ता गराएका थिए । पराजित वडाध्यक्ष साहले वडा नं. १९ मा ३२२४ मत खसेकोमा मतगणना अधिकारीहरूले ३२१७ मत मात्र गणना गरेको रिटमा दावी गरेका थिए ।


विनोदकुमार रविदास