जङ्गलमा बाँधेर राखिएकी महिलाको उद्धार

  ०८१ असोज २१ गते

दुधौली नगरपालिका-८ खोरभञ्ज्या स्थित मदन भण्डारी राजमार्गमा असोज १९ गते राति हात बाँधेर राखेको अवस्थामा सिरहाको जिरो माईल घर भएकी ३५ वर्षीया सुनिता यादवको उद्धार गरिएको छ ।

मदनभण्डारी राजमार्गबाट उत्तरतर्फ १० किलोमिटर भित्री सडकमा सुनिता लडिरहेको अवस्थामा फेला परेपछि उद्धार गरिएको प्रहरीले जनाएको छ ।

जिल्ला प्रहरी कार्यालय सिन्धुलीका एसपी गोबिन्दराज काफ्लेका अनुसार सुनिता काठमाडौँको किर्तिपुरमा एक छोरासहित बस्दै आएकोमा र करिब तीन सातादेखि काठमाडौँबाटै सम्पर्कविहीन हुनु भएको थियो ।

सुनिताले नै लगाउने गरेको ज्याकेटले हात बाँधेको र अचेत अवस्थामा उद्धार गरी दुधौली नगर अस्पतालमा उपचार भइरहेको एसपी काफ्लेले जानकारी दिनु भयो ।

घटनाको अनुसन्धान भइरहेको प्रहरीले जनाएको छ । सुनिताको होस आएपछि उहाँको माइती परिवारलाई खबर गरिएको बताउनु भयो ।


नबिनबाबु अधिकारी