समाचारहरू

महादेवपट्टी गाविस-३ की १४ वर्षीया प्रभा कुमारीको हत्या गरेको आरोपमा प्रभाका ४५ वर्यीय बावु शिव मुखियालाई भदौ २ गते प्रहरीले गिरफ्तार गरेको छ ।

स्थानीयबासीले छोरी प्रभाको भदौ १ गते राति उनकै बावुले हत्या गरेको सूचना दिएपछि प्रहरी चौकी महादेवपट्टीको टोलीले आरोपितलाई घरबाटै गिरफ्तार गरेको जिल्ला प्रहरी कार्यालय पर्साका डीएसपी होविन्द्र बोगटीले जानकारी दिए ।

प्रभाको गाउँकै एक युवकसँग प्रेम सम्बन्ध रहेको थाहा पाएपछि उनको हत्या गरेको स्थानीयबासीले आरोप लगाएका छन् ।

आरोपितको बयानका आधारमा इलाका प्रहरी कार्यालय पोखरीयाबाट इन्स्पेक्टर चक्रबहादुर शाहको नेतृत्वमा खटिएको प्रहरीको टोलीले पचरौता जङ्गलबाट भदौ २ गते बिहान प्रभाको शव फेला पारेको थियो ।

शव पोष्टमार्टमका लागि नारायणी उपक्षेत्रीय अस्पतालमा पठाइएको डीएसपी बोगटीले जानकारी दिए ।

के.सी.लामिछाने