समाचारहरू

सोलुदूधकुण्ड नगरपालिका–५ का २५ वर्षीय सुरज बराइली र १५ वर्षीया बालिका सुजिता बराइलीमाथि एसिड प्रहार गरेको आरोपमा प्रहरीले ५५ वर्षीय बाबु मोहन बराइलीलाई मङ्सिर ६ गते गिरफ्तार गरेको छ ।

आरोपितले मङ्सिर ६ गते राति मादक पदार्थ सेवन गरी छोराछोरीलाई एसिड प्रहार गरी घाइते बनाएको प्रारम्भिक अनुसन्धानका क्रममा खुलेको जिल्ला प्रहरी कार्यालय इन्स्पेक्टर ऋषिराज ढकालले इन्सेक प्रतिनिधिसँगको फोन सम्पर्कमा बताउनु भयो ।

एसिड प्रहारबाट मोहनको घाँटीमा र सुजीताको हातमा चोट लागेको छ ।

घाइतेद्वयको जिल्ला अस्पतालमा फाप्लुमा उपचार हुन नसकेपछि थप उपचार वीर अस्पताल काठमाण्डौँमा भइ रहेको छ ।

भोजराज कार्की