समाचारहरू

चाँगुनारायण नपा-५ खरिपाटी घर भई भक्तपुर नपा-१० कमलविनायक बस्ने १२ वर्षीय प्रतिक गिरीलाई छुरा प्रहार गरी ३५ वर्षीय बावु पलमान गिरीले जेठ २७ गते हत्या गरेको प्रहरीले जनाएको छ ।

छुरा प्रहारबाट घाइते भएका प्रतिकको उपचारको क्रममा काठमाडौँ मेडिकल कलेज सिनामङ्गल काठमाडौँमा मृत्यु भएको महानगरीय प्रहरी परिसर भक्तपुरका एसपी हिमालयकुमार श्रेष्ठले जानकारी दिए ।

प्रहरीले आरोपितलाई गिरफ्तार गरिएको महानगरीय प्रहरी वृत्त जगातीको हिरासतमा राखेर अनुसन्धान भइरहेको एसपी श्रेष्ठले जानकारी दिए ।

शवको पोष्टमार्टम त्रिविवि शिक्षण अस्पताल महाराजगञ्जमा जेठ २७ गते गरिएको प्रहरीले जनाएको छ ।

सविना केसी