चुनावी प्रचारप्रसारको क्रममा झडप हुँदा दुई जना घाइते

  ०७९ कात्तिक २७ गते

नौगाड गाउँपालिका–६ खेडमा प्रचारप्रसारमा खटिएको लोकतान्त्रिक गठबन्धन र नौगाडको जामिरमा आयोजित आमसभामा सहभागि हुँन गइरहेका नेकपा एमालेका कायर्कर्ता बीच कात्तिक २७ गते झडप हुँदा दुई जना घाइते भएका छन् ।

झडपमा परी नौगाड गाउँपालिका–६ निवासी गठबन्धनका कार्यकता ३५ वर्षीय जयभानसिंह धामी र नौगाड गाउँपालिका–५ निवासी एमाले कार्यकर्ता २४ वर्षीय निरे ठगुन्ना घाइते भएका जिल्ला प्रहरी कार्यालयका इन्स्पेक्टर राजेश शाहीले बताउनु भयो ।

एमालेको चुनावी सभालाई अवरोध गर्ने गरी आमसभामा जाने कार्यकर्ताहरुलाई रोक्न खोजेपछि झडप भएको एमालेका नौगाड गाउँपालिका अध्यक्ष जनकसिह ठगुन्नाको आरोप छ ।

गठबन्धन दल नेकपा माओवादी केन्द्रका नेता दलजीतसिह धामीले एमाले कार्यकर्ताले आफ्ना कार्यकर्तालाई कुटपिट गरेको आरोप लगाउनु भयो ।

झडपमा परी घाइते भएका मध्ये जयभानसिंहको टाउँकोमा चोट लागेको छ । उहाँको टाउँकाको सिटिस्क्यान गर्नु पर्ने भएकोले थप उपचारका लागि धनगढी रिफर गरिएको गोकुलेश्वर अस्पतालका डाक्टर पुजा बमले बताउनु भयो ।


नरेन्द्रसिह कार्की