समाचारहरू

सिदिन गाविस-९ की २५ वर्षीया सङ्गीता राई मगरलाई चिर्पट प्रहार गरी घाइते बनाएको आरोपमा असोज २८ गते उनका ४० वर्षीय जेठाजु दिपेन्द्र मगरलाई प्रहरीले गिरफ्तार गरेको छ ।

पीडित महिलालाई आरोपितले असोज २८ गते टाउकोमा चिर्पट प्रहार गरी घाइते बनाएको आरोपमा प्रहरी चौकी सिदिनमा उजुरी दिएपछि आरोपितलाई अनुसन्धानका लागि गिरफ्तार गरिएको जिल्ला प्रहरी कार्यालयका इन्स्पेक्टर रिपेन्द्रकुमार सिंहले बताए ।

कुटपिटबाट घाइते भएकी पीडित महिलाको टाउकोमा चार ओटा टाँका लगाइएको र अहिले उनको उपचार जिल्ला अस्पताल पाँचथरमा भइरहेको प्रहरीले जनाएको छ । उनको अवस्था खतरामुक्त रहेको अस्पतालले जनाएको छ । पीडित महिलाको थप उपचारका लागि झापाको विर्तामोड लाने तयारी गरिएको पीडित महिलाका आफन्तले जानकारी दिए ।

'सुरुमा वहाँले खुकुरी प्रहार गर्न खोज्नुभयो । खुकुरी खोसेपछि चिर्पटले प्रहार गर्नुभयो ।'-पीडित महिलाले बताइन् ।

मङ्गल बेघा