समाचारहरू

मलङ्गवा नपा–८ स्थित सर्लाही जिल्ला अस्पतालको लापरवाहीका कारणले गर्दा सेवाग्राही बिरामीहरू मार्कामा पर्ने परेका छन् ।

अस्पतालमा स्वास्थ्यकर्मीले बिरामीहरूको कुनै हेरचाह नगरेको तथा सलाइन पानी सकिन लागेको भएतापनि ध्यान नदिएको र बिरामीको अवस्था गम्भीर हुने गरेको कविलासी नगरपालिकाका बिरामी महेन्द्र रायका कुरूवा ३२ वर्षीय छोरा दिनेश राय यादवले बताए ।

अस्पतालमा कुन बेला कसको पालो पर्छ ? काम गर्ने कर्मचारीको नाम थाहा नहुने र कर्मचारीहरूको उपस्थिति पनि नदेखिने खालको लापारवाही हुने गरेको दिनेश रायले बताए ।

इन्सेक जिल्ला प्रतिनिधि सर्लाही जिल्ला अस्पताल पुग्दा वार्डमा चिकित्सक नरहेको, बिरामीहरू छटपटाइ रहेका थिए ।

त्यस्तै बिरामीका कुरूवाहरू चिकित्सकलाई खोजिरहेका थिए । अस्पतालका डाक्टर वीरेन्द्रकुमार मण्डललाई फोन गर्दा उनको फोन पनि उठेन ।

मलङ्गवा नगरपालिकाका मेयर निरसल साहले यसप्रति गम्भीर ध्यानाकर्षण भएको भन्दै अस्पताल व्यवस्थापनमा ध्यान दिने बताए ।

वुधन साह