समाचारहरू

५० वर्षीया महिलाले धनुषाधाम नगरपालिका-९ की ४२ वर्षीय जोगी महतो र उनको २२ वर्षीया छोरी ज्योति महतोविरुद्ध ०८१ असार ४ गते जिल्ला प्रहरी कार्यालय अन्तरगत महिला बालिबालिका तथा ज्येष्ठ नागरिक सेवा केन्द्रमा उजुरी दिनु भएको छ ।

“आरोपितले मोबाइलले फोटो खिचेर अश्लील गीतमा राखी सामाजिक सञ्जालमा अपलोड गरेको” पीडितले बताउनु भयो । आरोपितले यसअघि पनि यस्तै कार्य गरेको र ०८० पुस ११ गते स्थानीय प्रहरी चौकी नौसयबिघामा चरित्र हत्या हुने गतिविधि नगर्ने भनि मिलापत्र भएको पीडितले दिएको उजुरीमा उल्लेख छ ।

यस विषयमा दुवै पक्षलाई बोलाई सत्य तथ्य बुझी र घटना बारे थप अनुसन्धान गरी दोषी ठहर भए आरोपितहरूविरुद्ध कारबाही प्रक्रिया अगाडि बढाउने महिला बालिबालिका तथा ज्येष्ठ नागरिक सेवा केन्द्रका प्रहरी जवान सिमृत चौधरीले जानकारी दिनु भयो ।

सन्तोषकुमार यादव