समाचारहरू

चंखेली गाउँपालिका–२ को माहादेव मावि केन्द्रमा वैशाख ४ गते पुन : मतदान सम्पन्न भएको छ । गत वैशाख ३० गते स्थगित भएको सो मतदान वैशाख ४ गते बिहान ७ बजेबाट सुचारु भएको मुख्य निर्वाचन अधिकृतको कार्यालय, हुम्लाका मुख्य निर्वाचन अधिकृत जगत बहादुर पौडेलले जानकारी दिनु भएको हो ।

वैशाख ३० गते स्वतन्त्र र गठबन्धनका कार्यकर्ताबीच झडप हुँदा उक्त मतदान कार्य प्रभावित भएको थियो । उक्त झडपपछि आधाभन्दा बढी मतदाता निर्वाचनमा सहभागि हुन नपाएको भन्दै माओवादी र काँग्रेस गठबन्धनका तर्फबाट हुम्लाका सांसद झक्कबहादुर लामासमेतका व्यक्तिले वैशाख ३० गते मुख्य निर्वाचन अधिकृतको कार्यालयमा पुन मतदानको मागगर्दै उजुरी दिएका थिए ।

बिहान ७ बजेदेखि सुरु भएको पुन ः मतदानमा मतदाताको उत्साहपूर्ण सहभागिता रहेको र शान्त तरिकाले मतदान सम्पन्न भएको मुख्य निर्वाचन अधिकृत पौडेलले बताउनु भएको छ ।

उक्त मतदान केन्द्रमा ९ सय ३ मतदाता रहेकोमा दिउँसो ११ बजेर ४० मिनेट जाँदासम्म २ सय ८८ मत खसेको भए पनि त्यस यता टोलिफोन सम्पर्क हुन नसकेको निर्वाचन अधिकृत पौडेलले जानकारी दिनु भएको छ ।

नन्द सिंह