घरेलु हिंसा पीडितद्वारा आरोपितविरूद्ध प्रहरीमा उजुरी

 

नारायण नपा–८ तर्ताङ्गकी २६ वर्षीया नन्दा भण्डारीलाई २८ वर्षीय पति टोपप्रसाद भण्डारीले कुटपिट गरी घाइते बनाएको भन्दै पीडितले जिल्ला प्रहरी कार्यालय दैलेखमा फागुन १६ गते उजूरी दिएकी छन् ।

फागुन १५ गते राति मरणासन्न हुने गरी कुटपिट गरेको र राति नै ज्यान जोगाउन नारायण नपा–२ कुसाडास्थित माइतीघरमा पुगेको पीडित महिलाले इन्सेकलाई बताइन् ।

उनको टाउको, ढाड र छातिमा चोट लागेको छ । पीडितको उपचार फागुन १६ गते दैलेख जिल्ला अस्पतालमा गरिएको जिल्ला प्रहरी कार्यालयका डिएसपी ठाकुरप्रसाद पोखरेलले बताए ।


अमर सुनार