घरेलु हिंसा पीडितद्वारा इन्सेकको सहयोगमा उजुरी दर्ता

  ०७८ माघ २४ गते

घरेलु हिंसा पीडित बेसीशहर नगरपालिका–१० की २८ वर्षीया अमृता भण्डारीले इन्सेकको सहयोगमा २८ वर्षीय पति रवि भण्डारीविरुद्ध जिल्ला प्रहरी कार्यालय लमजुङमा माघ २३ गते उजुरी दर्ता गर्नुभएको छ ।

पतिले खान लगाउन नदिने, हेला गरेको र ६ वर्षको विवाहमा आफू र छोराको हेरविचार नगरेको भन्दै मुद्दा दर्ता गर्न सहयोग गर्न इन्सेक लमजुङमा माघ २३ गते निवेदन दिनुभएको थियो ।

निवेदनको आधारमा इन्सेक लमजुङ प्रतिनिधि दलबहादुर मजाकोटीले उजुरी दर्ता गराउन सहयोग गर्नुभएको थियो ।

उजुरी दर्ता गर्दै घटनाको सत्यतथ्य छानबिन गरी आवश्यक कार्य सम्पादन गरिने जिल्ला प्रहरी कार्यालयका डिएसपी कृष्णबहादुर कार्कीले बताउनुभयो ।


दलबहादुर मजाकोटी