समाचारहरू

घरेलु हिंसा पीडित चौरजहारी नगरपालिका–१२ जोगीनेटाकी २१ वर्षीया मेनुका वलीलाई कानुनी प्रकृयामा जान साउन १५ गते अनौपचारिक क्षेत्र सेवा केन्द्र (इन्सेक) ले सहयोग गरेको छ ।

पीडितले आफ्नो आर्थिक अवस्था कमजोर भएका काराण कानुनी प्रक्रियामा पुग्न समस्या भएको भन्दै इन्सेकलाई सहयोग गर्न आग्रह गरेपछि कानुनी प्रक्रियामा जानको लागि इन्सेकले आर्थिक सहयोग गरेको हो ।

पीतिड महिलालाई जिल्ला सिफारिस संयन्त्रका संयोजक तथा महिला मानव अधिकार रक्षक सञ्जालका अध्यक्ष व्युंझना पुन देवकोटाले ५ हजार रुपियाँ नगद हस्तान्तरण गर्नु भएको हो ।

मानव अधिकार सहायता कक्षको असार १० गतेको निर्णय अनुसार उक्त रकम हस्तान्तरण गरिएको इन्सेकले सञ्चालन गरेको अधिकार–२ परियोजनाका संयोजक किरण पौडेलले जानकारी दिनु भयो ।

पीडितको परिवारले मिलेर बस्ने भनेपछि केही दिन पर्खेको र पछि आफूलाई झन् पीडा दिएको उहाँको गुनासो छ ।

आर्थिक वर्ष अन्त्यका कारण मुद्दाको प्रकृति मिलाएर राख्न भन्दै अदालतका सम्पुर्ण कामकाज रोकिएकाले उहाँलाई कानुनी प्रक्रियामा जान ढिला भएका कारण साउन १५ गते मात्र अदालतको कामकाज सुरु भएपछि इन्सेकले आर्थिक सहयोग गरेको हो ।

पीडित मेनुकाका पतिको मृत्यु दुई महिना अगाडि कामको लागि भारत जाने क्रममा भएपछि पीडितका ५२ वर्षीय ससुरा गङ्गारम खड्काले घर निकाला गरेको पीडितको आरोप छ ।

मनिषा केसी