घरेलुहिंसा पीडित महिलाद्वारा जिल्ला प्रहरी कार्यालयमा उजुरी दर्ता

  ०८० साउन २3 गते

महावै गाउँपालिका–२ की २३ वर्षीया हरी शाहीले आफूलाई २५ वर्षीय पति धर्मराज सिंहले घर निकाला गरेको आरोपमा साउन २२ गते जिल्ला प्रहरी कार्यालय, कालिकोटमा उजुरी दिनुभएको छ ।

आरोपितले साउन १९ गते अर्काे विवाह गरी गाउँमा लुकाएर राखेर घरमा आएपछि कान्छी पत्नी घरमा ल्याउँछु भन्दै नाबालक ५ वर्षीय छोरा खोसेर आफूसगै राखेर एक्लै मार्ने धम्की दिएर घर निकाला गरेपछि पीडितले आरोपित विरुद्ध जिल्ला प्रहरी कार्यालय कालिकोटमा उजुरी दिनु भएको हो ।

आरोपित सिंह र अर्की पत्नी शुभकालिका–४ घर भएकी २० वर्षीया बासु कुमारी शाही विरुद्ध उजुरी निवेदन दिएपछि अनुसन्धानका लागि खोजी भइरहेको कालिकोट प्रहरी इन्सपेक्टर सुवराज बम बताउनुभयो ।


कालीबहादुर मल्ल