समाचारहरू

भूकम्प प्रभावित तथा हिंसाबाट पीडित महिलाहरुलाई सहयोग पुगोस् भन्ने उद्धेश्यले गौमुल गाउँपालिकाद्वारा महिलामैत्री स्थल सञ्चालनमा ल्याएइएको छ ।

भूकम्प प्रभावित क्षेत्रमा लैङ्गिक हिंसा न्युनिकरण तथा सहजीकरण गर्ने उद्धेश्यका साथ महिलामैत्री स्थल स्थापना गरिएको गौमुल गाउँपालिकाका उपाध्यक्ष सिता थापाले बताउनु भएको छ ।

मनोविमर्श सेवा, लैंङ्गिक हिंसा, बेचबिखन, यौन तथा प्रजनन् स्वास्थ्य समस्याका बारेमा सूचना तथा जानकारी दिनुका साथै हिंसा प्रभावित महिलाहरुलाई अल्पकालिन आश्रयस्थल सहितको सेवा उपलव्ध गरीने गौमुल गाउँपालिकाका उपाध्यक्ष थापाको भनाइ छ ।

पालिकामा भुकम्प प्रभावित तथा लैङ्गिक हिंसाका प्रभापितहरुको स्वास्थ्य तथा मनोसामाजिक परामर्श सेवा दिनका लागि केन्द्रको स्थापना गरिएको महिला मैत्री स्थल केन्द्रकी इन्चार्ज गौरी भण्डारीले बताउनु भयो ।

भूकम्प तथा अन्य प्राकृतिक बिपतको अवस्थामा महिलामा हुने तनावलाई कम गर्र्न  सुरक्षित र आराम गर्न महिलाहरुका लागि छुट्टै स्थालको अवश्यकता पर्ने भएकोले गाउँपालिकाको पहलमा साझेदार संस्थाहरुसँगको समन्वयमा महिलामैत्री स्थल निर्माण गरी सञ्चालनमा ल्याइएको र यसले सुत्केरी, गर्भवती, किशोरी र हिंसा पीडित महिलाहरुलाई सहयोग पुग्ने भण्डारीको भनाइ छ ।

गाउँपालिकामा रहेका ६ ओटै वडाका प्रत्येक टोलमा मनोविमर्शकर्ता पुगेर सचेतनाका कार्यक्रम गरिने महिला मैत्री स्थलकी प्रमुख भण्डारीले बताउनु भयो ।

महिलामैत्री स्थलले गाउँपालिकामा भूकम्प प्रभावित तथा लैङ्गिक हिंसाबाट पीडित भएका व्यक्तिहरुलाई सहयोग हुने गौमुल गाउँपालिकाका अध्यक्ष हरिबहादुर रोकायाले बताउनु भयो ।

नेपाल मानव अधिकार वर्ष पुस्तक २०२३ मा जिल्लामा एक वर्षको अवधिमा घरेलु हिंसाबाट मात्रै ४३ जना महिला पीडित भएका छन भने बलात्कार, बलात्कारको प्रयास र यौन दुव्र्यवहारबाट १४ जना पीडित भएको तथ्याङ्क रहेको छ ।

पदमबहादुर सिंह