गोली प्रहार घटनाका चार जना आरोपित गिरफ्तार

  ०७९ कात्तिक ५ गते

सगुन बचत तथा ऋण सहकारी संस्था सेवा केन्द्र बागमतीको कार्यालय प्रमुख लालबन्दी नगरपालिका–२ स्थित जुटपानी का ३६ वर्षीय साजन कार्कीलाई कात्तिक २ गते गोली प्रहार गरी घाइते बनाएको आरोपमा प्रहरीले भारत शिवहर जिल्ला ग्राम छपराका १९ वर्षीय आलोक सिंह, बैशाली जिल्ला सुल्तानपुर ग्राम १९ वर्षीय शौरभ कुमार यादव, रोतिहारी जिल्ला ग्रामहजारका १९ वर्षीय गुल्सन कुमार सिंह र सर्लाही जिल्ला धनकौल गाउँपालिका–१ का ३२ वर्षीय डिजे भनिने धिरेन्द्र सहनीलाई गिरफ्तार गरेको छ ।

गिरफ्तार उनीहरुलाई जिल्ला प्रहरी कार्यालयमा राखी घटनाको अनुसन्धान भइरहेको जिल्ला प्रहरी कार्यालयका डिएसपी बिजय यादवले बताउनु भयो ।

अपरिचित व्यक्तिहरुले कार्यालिय भित्र प्रवेश गरेर रकम दिन भन्दै धम्क्याए पछि प्रतिकार गर्ने बितिकै अपरिचित व्यक्तिहरुको समुहले आफूमाथि चार गोली प्रहार गरेको सगुन बचत तथा ऋण सहकारी संस्था सेवा केन्द्र बागमतीको कार्यालय प्रमुख साजन कार्कीले बताउनु भयो ।

तिघ्रा, कुम, ढाँड र कोखामा गोली लागेर घाइते भएका कार्कीको हरिवन स्थित सरस्वती अस्पतालमा प्राथमिक उपचार गरी सो पश्चात् थप उपचारका लागि काठमाडौँको मेडिसिटीमा उपचार भैरहेको सगुन बचत तथा ऋण सहकारी संस्थाका संस्थापक अध्यक्ष बाबुराम घिमिरेले जानकारी दिनु भयो ।

घाइते कार्कीलाई चार ओटा गोली लागेतापनि शरिरको संवेदनशिल भागमा नपरेकाले धेरै खतरा नदेखिएको हरिवन स्थित सरस्वती अस्पतालका संचालक डा. राजिब साहले जानकारी दिनु भयो ।

प्रहरीका अनुसार गोली प्रहार गरेपछि भारतीय नम्बर प्लेटको मोटरसाइकलमा चढेर आएका समूह दक्षिण तर्फ भागेको थियो ।
photo20221022sarlahi (1)

photo20221022sarlahi (3)photo20221022sarlahi (2)

photo20221022sarlahi (4)


बुधन साह