समाचारहरू

नेकपा माओवादी केन्द्रका जिल्ला सदस्य कपिलवस्तु नपा–१ का  ३४ वर्षीय दिपक पाण्डेय र भारतीय नागरिक २६ वर्षीय इयाज अख्तर मुसलमानमाथि गोली प्रहार गरेको आरोपमा प्रहरीले कपिलवस्तु नपा– १ आनन्दवागका ३९ वर्षीय ओमप्रकाश यादव र सोही नपा–२ का ३३ वर्षीय साकिर अलिलाई जेठ ७ गते तौलिहवाबाट गिरफ्तार गरेको छ ।

पाण्डे र इयाजलाई आरोपितहरूले जेठ ५ गते राति जर्लैया नाकाबाट मोटरसाइकलमा तौलिहवा फर्कने क्रममा कपिलवस्तु नपा–९ सडवामा गोली प्रहार गरेका थिए । गोली प्रहारबाट घाइते भएका उनीहरूको भैरहवा मेडिकल कलेजमा उपचार भइरहेको छ । घाइते पाण्डेकाे अवस्था गम्भीर रहेको चिकित्सकहरू जनाएको जिल्ला प्रहरी कार्यालयका डिएसपी धर्मराज भण्डारीले बताउनु भयो ।

आरोपितहरूबाट लु १६ प ३४९७ नम्बरको पल्सर मोटरसाइकल, दुई थान मोवाइल फोन र गोली  बरामद गरिएको प्रहरीले जनायो । आरोपित यादवले व्यक्तिगत रिसिइँबिका कारण गोली प्रहार गरेको बयान दिएको डिएसपी भण्डारीले बताउनु भयो ।

पार्वती आचार्य