समाचारहरू

नेपालगञ्ज उपमनपास्थित गोल्डेन एबिसी विद्यालयको कक्षा ९ मा अध्ययनरत १४ वर्षीया छात्रा हिमानी लक्ष्मी पुनलाई गृहकार्य नगरेको आरोपमा २८ वर्षीय शिक्षक प्रिन्स गुप्ताले कुटपिट गरेको पीडित पक्षले आरोप लगाएको छ । पीडित पक्षले मङ्सिर १ गते जिल्ला शिक्षा कार्यालयमा उजुरीसमेत दिएको छ ।

गृहकार्य नगरेको आरोपमा पुन लगायत ७ जना विद्यार्थीलाई कात्तिक ३० गते पाइपले हातमा कुटपिट गरेको पीडितले बताइन् ।

आरोपित शिक्षक गुप्ताले आफूले दुई पटक लाठीले समान्य कुटेको बताए । विद्यालयका संस्थापक प्रिन्सपल विकास सिंहले शिक्षक भर्ना प्रक्रियामा विद्यालयमा यातना दिने कार्यलाई निरूत्साहित गर्न निर्देशन गरेको जानकारी दिँदै गल्ती भएको भए सच्याउने बताए ।

विनोद पाण्डे