समाचारहरू

सरकारले विद्यमान गाँउ विकास समिति र नगरपालिकाको संरचना फागुन २७ गतेबाट लागु हुने गरी विघटन भएको जनाउँदै स्थानीय तहको सङ्ख्या निर्धारण गरेको छ ।

स्थानीय विकास मन्त्रालयमा फागुन २७ गते आयोजित पत्रकार सम्मेलनमा उपप्रधान तथा स्थानीय विकास मन्त्री कमल थापाले २०४७ सालको संविधानपछि अस्तिवमा रहेका सबै गाविस र नगरपालिकाको संरचना भङ्ग भएको र आजबाटै स्थानीय तहको संरचना ७ सय ४४ लागु भएको जानकारी दिए । नयाँ संरचना अनुसार चार ओटा महानगरपालिका, १३ ओटा उपमहानगरपालिका, २ सय ४६ ओटा नगरपालिका र ४ सय ८१ ओटा गाउँपालिका रहेका छन् ।

स्थानीय तहको सङ्ख्या राजपत्रका प्रकाशित भएसँगै स्थानीय निकायको संरचनामा परिणत गरी स्थानीय तहको नयाँ संरचना लागु भएको हो ।

यसअघि देशभर ३ हजार १ सय ५७ ओटा गाविस र २ सय १७ ओटा नगरपालिका थिए । सरकारले तत्काल गाँउपालिकाको न्यूनतम बजेट एक करोड रुपियाँ निर्धारण गरेको छ ।

विवेक ढुङ्गाना