गाउँपालिकाका वडाअध्यक्ष माथि कुटपिट

  ०७९ माघ ९ गते

त्रिपुरासुन्दरी गाउँपालिका वडा नं. ६ का वडा अध्यक्ष ३३ वर्षीय हरि बिकमाथि ०७९ माघ ८ गते कुटपिट भएको छ ।

बागमती प्रदेश सरकारबाट त्रिपुरासुन्दरी गाउँपालिका वडा न. ५ र ६ को पिपलडाँडामा सिकटार बिर्ता सुनपोखरी सडक निर्माणको नाममा बिनियोजित रकम उपभोक्ता समिति मार्फत खर्च गर्न समिति गठन गर्ने क्रममा विवाद सिर्जना भएपछि कुटपिट भएको वडाअध्यक्ष बिकले बताउनुभयो ।

त्रिपुरासुन्दरी गाउँपालिका-६ निवासी सुन्दरी माविका शिक्षक ४६ वर्षीय भीमसेन अधिकारीले वडा अध्यक्षमाथि कुटपिट गरेको पीडित पक्षको आरोप छ ।

उपभोक्ता समितिमा आफू अनुकुल मान्छे नराखिएको भन्दै गठित समितिको निर्णय पुस्तिका च्यातेर शिक्षक अधिकारी सहितको समूहले वडाअध्यक्ष विकमाथि कुटपिट र हातपात गरेको थियो ।

वडाअध्यक्ष बिकले आफूमाथि आक्रमण गर्ने शिक्षकलाई कानुनी कारबाही हुनुपर्ने माग गरे पनि सम्बन्धित निकाएमा लिखित उजुरी दिनु भएको छैन ।


सीताराम अधिकारी