खानेपानी अभावले सयौं घरधुरी बसाइँ सरे

खानेपानी उभावले जिल्लाको तीन गाविसका सयौँ बासिन्दा थातथलो छाडेर धमाधम बसाइँ र्सन थालेका छन् । यसै वर्षमात्र जिल्लाका सुख्खाग्रस्त क्षेत्र रानीगाउँ, यासोक र स्वाबरुम्बा गाविसका १ सय २७ घरधुरी बसाइँ सरेका हुन् ।

खानेपानी समस्याले यासोक गाविसवाट यो वर्ष४६ घरधुरी बसाइँ सरी अन्त्रय गएका गाविस सचिव टुका बरालले बताइन् । स्यावरुम्बावाट ३७ घरधुरी बसाइँ सरेका गाविस सचिव निशा कोइरालाले बताइन् ।

यसैगरी, रानीगाउँवाट समेत ४४ घुरधुरीले गाउँ छाडेको गाविसका पञ्जिकाधिकारी खगेन्द्र सम्बाहाम्फेले बताए । यसरी थातथलो छाडी तर्राईका झापा, मोरङ र सुनसरी जिल्लामा बसाइँ सर्ने गरेको गाविस सचिव तथा पञ्जिकाधिकारीहरू बताउँछन् ।

खानेपानी अभावले चौतर्फी समस्या हुने भएकाले बसाइँसराइ बढ्दो क्रममा रहेको यासोक गाविसकी सचिव बरालले बताइन् । 'पानीको अभावले खानपानसँगै शिक्षा स्वास्थ्यसहित सबै क्षेत्रमा असर पर्ने रहेछ' उनले भनिन्-'यसले गर्दा अघिल्लो वर्षन्दा यो वर्षबसाइँ र्सर्नेको सङ्ख्या बढ्ने देखिन्छ ।' विद्यालय जानु पर्ने उमेरका बालबालिका घण्टौँ हिडेर खोलाको पानी बोकेर ल्याई खानु पर्ने बाध्यता रहेको उनले बताइन् ।

खानेपानी अभावले जीवन यापन कठिनाइ भएसँगै स्थानीय बसाइँ सर्न बाध्य भएको यासोक गाविस-९ का टङ्क पौडेलले बताए । 'पानीको समस्याले उत्पादन त नहुने नै भयो । पशुपालनमा समेत समस्या छ । यस्तो ठाउँमा कसरी बस्न सकिन्छ ?'-उनले प्रश्न गरे । खोलाबाट ट्याङकरले बोकेर ल्याएको पानी किनेर खानु पर्ने बाध्यता रहेको रानीगाउँ-७ स्थित सिद्धदेवी माविका प्रधानाध्यापक नरेन्द्र सम्बाहाम्फेले बताए ।

सो क्षेत्रका बासिन्दाको समस्यालाई मनन् गरी तमोर लिफ्ट खानेपानीको आयोजना सञ्चालन भइरहेको जिल्ला खानेपानी तथा सरसफाइ डिभिजन कार्यालयले जनाएको छ । जतिसक्दो चाँडो योजना सम्पन्न गरी बसाइँसराइ रोक्न पहल गरिने सो क्षेत्रका सांसद भिष्मराज आङदेम्बेले बताए ।


मङ्गल बेघा