खानेपानीबाट वञ्चित हुनु परेको स्थानीयहरुको गुनासो
केदारस्यू गाउँपालिकाको–७ काडाचौर र भामचौरमा रहेको खानेपानीको धारा भत्किएको लामो समय वितिसक्दा समेत सरकारले वास्ता नगरेका कारण आफूहरु खानेपानी पाउनबाट वन्चित भएको सो क्षेत्रका स्थानीयहरुले गुनासो गरेका छन् ।
२०३५ सालमा बनेको खानेपानीको धारा भत्किएपछि अन्य विकल्प नहँदा आफूहरुले खानेपानी पाउनका लागि सास्ती खेप्नु परेको स्थानीय पदम धामीले गुनासो गर्नु भयो ।
उहाँले भन्नु भयो– ‘गाउँमा पुरानो एक धारा थियो । अहिले धारा भक्किनुका साथै पाइपहरु पनि फुटेका छन् । धारा र पाइपको मर्मत गर्ने कार्य हुन सकेको छैन् । धारा तथा पानीका पाइपहरु फुटेका कारण एक गाग्री पानी लिनका लागि पनि घण्टौँसम्म लाइनमा बस्नु पर्छ । धारामा पानी नआएको दिन रित्तै घर फर्किनु पर्ने अवस्था छ ।’
काडाचौर र भामचौरमा पानीको समस्या भएपछि शौचालय प्रयोग गर्न, सरसफाइ गर्न, गाइबस्तुलाई पानी खुवाउन र बालबालिकाको सरसफाइमा समस्या उत्पन्न भएको स्थानीय हासुली धामीले दुखेसो पोख्नु भयो ।
उहाँले भन्नु भयो – ‘एक गाग्री पानी ल्याउनका लागि महिलाहरुले तीन चार घण्टासम्म कुर्नु पर्ने बाध्यता छ । कहिले काही त पानी नपाएर रित्तै भाडो लिएर फर्किनु परेको छ । २०७४ साल अगाडी खानेपानी कार्यालयबाट काडाचौर र भामचौर खानेपानी निर्माणको लागि योजना आएको भएपनि कार्यान्वयन भएन् । जिर्ण अवस्थामा रहेको पुरानो खानेपानी लाइन करिव १२ किलोमिटर टाँढाबाट ल्याएको छ । सरकारले कुनै वास्ता गरेको छैन् ।’
काडाचौर र भामचौरीमा ३ सय ५० घरधुरी खानेपानीबाट वञ्चित हुदै आएको भएपनि खानेपानी कार्यालय र स्थानीय सरकारले समस्या समाधानका लागि पहल नगरेको स्थानीय गणेश बोहराले गुनासो गर्नु भयो ।
उहाँले भन्नु भयो– ‘संघीयता आउनु भन्दा अगाडी खानेपानी कार्यालयले धारा तथा पाइप मर्मतको लागि बजेट छुट्याएको सुनियो । तर, खानेपानीको समस्या समाधान भएको छैन् । ४ करोड रुपियाँ लगानीमा भामचौर खानेपानी योजना सञ्चालन गर्ने भनिएको भएपनि उपभोक्ता समितिको लापरवाहीले सो योजना पनि सम्पन्न हुन सकेन् । समस्या समाधानका लागि केदारस्यू गाउँपालिका र खानेपानी कार्यालय, चैनपुरमा निवेदन दिएका छौँ । तर, सुनवाइ हुन सकेको छैन् ।’
खानेपानी कार्यालय, चैरपुरका प्रमुख भक्तबहादुर खड्काले खानेपानी समस्या समाधानका लागि अघिल्लो वर्ष २० लाख रुपियाँ बजेट विनियोजन गरिएको भएपनि कार्यान्वयन हुन नसक्दा समस्या समाधान हुन नसकेको र यसवर्ष पनि धारा तथा पाइप मर्मतका लागि १५ लाख रुपियाँ बजेट छुट्याइको बताउनु भयो ।
केदारस्यू गाउँपालिकाका अध्यक्ष इन्द्रबहादुर भण्डारीले काडाचौर र भमचौरबासीलाई खानेपानीको समस्या भएकोले त्यसको समाधानका लागि पहल भइरहेको बताउनु भयो ।
उत्तमकुमार थापा
सम्बन्धित समाचारहरू
भानु नगरपालिकाले लागु गर्याे स्थानीय पाठ्यक्रम
भानु नगरपालिकाले आधारभूत तह कक्षा एक देखि आठ सम्मका लागि स्थानीय पाठ्यक्रम ‘हाम्रो भानु’ लागु गरेको छ । नगरपालिकाले चालू शैक्षिक सत्र २०८० का लागि उक्त पाठ्यक्रम तयारगरि प्रयोगमा ल्याएको…
चिकित्सक कुटपिट तथा अस्पताल तोडफोड घटनामा थप आठ जना अरोपित गिरफ्तार
मणिपाल शिक्षण अस्पताल पोखराका चिकित्सक अनिल शाहमाथि असोज ८ गते कुटपिट र अस्पताल तोडफोड गरेको आरोपमा प्रहरीले थप आठ जनालाई गरिफ्तार गरेको छ । आरोपितहरुलाई प्रहरीले असोज १२ गते बेलुका…
बालसुधार गृहबाट फरार बालबालिकाहरू पुनः गिरफ्तार
वीरगंज महानगरपालिका–४ बिर्तास्थित बालसुधार गृहबाट फरार दुई जना बालकहरूलाई प्रहरीले पुनः गिरफ्तार गरेको छ । बालसुधार गृहको कमजोर व्यवस्थापनका कारण सुधार गृहबाट ०८० असोज १२ गते भागेका दुई जना बालक…
चिकित्सक कुटपिट घटनाका आरोपित गिरफ्तार
सिनामङ्गलस्थित काठमाडौँ मेडिकल कलेजका इन्टर्न डा. मनिष खड्कामाथि कुटपिट गरेको आरोपमा काठमाडौँ महानगरपालिका-९, सिनामङ्गलका ३४ वर्षीय सरोज गौतम र गुल्मी घर भइ काठमाडौँ महानगरपालिका-७, चाबहिल बस्ने २२ वर्षीय रूपक गौतमलाई…
ज्येष्ठ नागरिकको अधिकार सुनिश्चित गर्न आयोगको आग्रह
राष्ट्रिय मानव अधिकार आयोगले सरकार तथा सरोकारवाला निकायलाई ज्येष्ठ नागरिकहरूको अधिकार सुनिश्चित गर्न आग्रह गरेको छ । आयोगका प्रवक्ता डा. टीकाराम पोखरेलले ०८० असोज १४ गते विज्ञप्ति जारी गर्दै बदलिँदो…
