समाचारहरू

वर्षौँदेखि खानेपानीको समस्या व्यहोर्दै आएका दशरथचन्द नगरपालिका-२ देहिमाण्डौँका स्थानीयहरु खोनेपानीको व्यवस्थापनको माग राख्दै रित्तो गाग्रीसहित बिरोधमा उत्रिएका छन् ।

वषौँदेखि देहिमाण्डौँ बजार क्षेत्रमा खानेपानीको समस्या भोग्दै आएका स्थानीयहरुले समस्या समाधानका लागि सम्बन्धित निकायको ध्यानाकर्षणका गर्न ०८१ वैशाख १४ गतेदेखि रितो गाग्रीसहित बिरोध गर्दै आउनुभएको छ ।

हरेक वर्ष पिउने पानीको समस्या भोग्दै आउनु परेको र समस्या समाधान गर्न प्रत्येक वर्ष सम्बन्धीत नियकाहरुलाई अनुरोध गरिदै आइएको भए पनि आवश्वासन मात्रै दिने गरिएकोले त्यसको विरोमा अन्दोलनका कार्यक्रमहरु सञ्चालन गरिएको स्थानीय गोल्डेन बोहराले बताउनु भयो ।

पानीको समस्या भोग्दै आएका स्थानीयहरुले वडा कार्यालयको गेट अगाडि रित्तो गाग्री राखेर दबाब दिईरहनु भएको छ । सबै भन्दा धेरै देहिमाण्डौं बजारका स्थानीयहरुले पिउने पानीको चरम समस्या भोग्नुपरेका छ  ।

बजार क्षेत्रलगायत सबै ग्रामिण क्षेत्रमा पिउने पानीको निकै समस्या रहेको छ । नगरपालिका र वडाले सबै किसिमको सेवा वापतको शुल्क लिने गरेको भए पनि सेवा भने दिन नसकेको स्थानीयहरुको आरोप छ ।

गाउँ क्षेत्रमा पानीको समस्या उत्पन्न भएको वर्षौ बितिसकेको भए पनि खानेपानीको उचित मुहान नहँुदा समस्या समाधान गर्न नसकिएको दशरथचन्द नगरपालिका वडा नम्बर २ का अध्यक्ष सुर्य बोहराले बताउनु भयो ।

स्थानीयहरु एक गाग्री पिउने पानीका लागि खोला–खोल्सा धाउन बाध्य छन् । लामो खडेरीका कारण पानीका मुहान समेत सुक्न थालेपछि यस क्षेत्रका स्थानीयहरु झनै समस्यामा परेका छन् ।

नरी बडु