समाचारहरू

पाँच महिना भई सक्दापनि जिल्लामा चामल ढुवानी नभएको र भएको चालम वितरणसमेत नभएपछि खाद्यान्नलगायत जिल्लाका समस्या समाधानका लागि असार ११ गते जिल्लास्तरीय नागरिक सञ्जाल गठन गरिएको छ ।

गणेशबहादुर महतको संयोजकत्वमा इन्सेक प्रतिनिधि नन्द सिंहलगायतका १७ जना सञ्जालमा सदस्य रहेका छन् । जिल्ला तहमा खाद्य, शिक्षा र यातायात क्षेत्रमा देखिएका समस्याको विश्लेषण र समाधानका लागि नागरिक सञ्जाल गठन गरिएको हो ।

सञ्जालले आगामी दिनमा जिल्लाका खाद्यान्नलगायतका विविध समस्याको उठान गर्दै राज्यको ध्यान केन्द्रित गरी समस्याको समाधान खोज्न सरोकारवाला निकायलाई जबाफदेही बनाउने सञ्जालका संयोजक गणेशबहादुर महतले बताए ।

नवनिर्वाचित संयोजक महतले उक्त समितिमा रहेर सबैको सहयोगमा नागरिकको जनजीविकाको सवाल उठान गर्न निश्पक्ष भएर काम गर्ने बताए ।

नन्द सिंह