समाचारहरू

जिल्ला कारागार सोलुखम्बुमा क्षमता भन्दा बढी कैदीबन्दी हुदाँ व्यवस्थापनमा समस्या भएको छ । २५ जनाको क्षमता भएको कारागारमा ५५ जना कैदी र १६ जना थुनुवा गरी हाल ७१ जना कैदीबन्दी राख्दा व्यवस्थापनमा समस्या भएको हो ।

क्षमता भन्दा बढी कैदीबन्दीको सङ्ख्या हुँदा सुरक्षा संवेदनशीलता बढेको र सरसफाईमा समेत समस्या भएको कारगारका जेलर महेश निरौलाले बताए ।

सीमित क्षमता भएको कारण कोचिएर बस्नुपर्ने र सुत्नुपर्ने भएकाले उनीहरूलाई विभिन्न सरूवा रोगले सताउने गरेको जेलर निरौलाले बताए । कैदीबन्दीलाई नुहाउन र शौचालय प्रयोगमा सबै भन्दा बढी समस्या रहेको निरौलाले बताए ।

पासाङ बम्जन तामाङ