समाचारहरू

जिल्ला कारागारमा क्षमता भन्दा पाँच गुणा बढी कैदीबन्दी हुँदा व्यवस्थापनमा समस्या भएको कारागार प्रशासनले जनाएको छ । २५ जना क्षमता भएको ‘ङ’ श्रेणीको कारागारमा १ सय २९ जना कैदीबन्दी र तीन जना आश्रित बालबालिका रहेका छन् । जसमध्ये १२ जना महिला र १ सय १४ जना पुरुष रहेका छन् ।

क्षमता भन्दा बढी कैदीबन्दी हुँदा व्यवस्थापनमा समस्या हुने गरेको जेलर सुरेन्द्र मुखियाले बताए । ‘साँगुरो ठाउँमा धेरै जना अटाउनु पर्दा कोही खाट माथि कोही खाट मुनि सुत्नु पर्ने कैदी बन्दीको बाध्यता छ’– उनले भने–‘शौचालय थोरै भएकाले लामो समयसम्म पालो कुरेर बस्ने गरेका छन् ।’ कैदी बन्दीहरूका अनुसार उनीहरूलाई खान, बस्न र सुत्नसमेत समस्या हुने गरेको छ ।

मङ्गल बेघा