समाचारहरू

कोशी प्रदेश नामाकरणको विरोधमा गरिएको प्रदर्शनका क्रममा आन्दोलनकारी र प्रहरीबिच चैत १४ गते भएको झडपमा १३ जना घाइते भएका छन् ।

विराटनगरस्थित बिग होटलमा चैत १४ गते आयोजना गरिएको दीगो विकास सम्बन्धी एक कार्यक्रममा प्रदेशसभा सदस्यहरु सहभागी हुन अवरोध हुने गरी प्रदेश न.१ पुन नामाङ्कन संयुक्त सङ्घर्ष समितिका कार्यकर्ताले विरोध जनाएपछि प्रहरीसँग झडप भएको थियो ।

झडपका क्रममा १३ जना आन्दोलनकारी घाइते भएका छन् । घाइते हुनेहरूमा  मोरङ ग्रामथान गाउँपालिका–६ का  २१ वषीय सुरज राई, सुनसरी, धरान उपमहानगरपालिका –१२ का ४१ वर्षीय अशोक राई, धरान उपमहानगरपालिका–१२ का २२ वर्षीय उदय लिम्बु,  इटहरी उपमहनगरपालिका– ५ का २६ वर्षीय  पदम केरुङ, धरान उपमहानगरपालिका–१६ का ५१ वर्षीय  शिव आङदेम्बे, धरान उपमहानगरपालिका–१६ का ४८ वर्षीय ज्ञानप्रकाश राई,  धरान उपमहानगरपालिका–५ का ४६ वर्षीय  एक के दर्नाल, धरान उपमहानगरपालिका–५ का २५ वर्षीय  विशाल राई,  इटहरी उपमहानगरपालिका– ५ का २५ वर्षीय पद्मलाल लिम्बू , धरान उपमहानगरपालिका– ११ की २८ वर्षीय आस्था राई, इटहरी उपमहानगरपालिका– २ तरहराका ३३ वर्षीय  रेसम राई, इटहरी उपमहनगरपालिका– ५ का २७ वर्षीय रोयल राई, इटहरी उपमहानगरपालिका–८ का २९ वर्षीय बिमल किराँती रहेको प्रत्यक्षदर्शी अर्जुन जम्नेली राईले बताउनुभयो  ।

घाइतेहरुको प्राथमिक उपचार विराटनगरस्थित पारस अस्पतालमा गरिएको छ ।

आन्दोलनकारीको भीडलाई नियन्त्रणमा लिन प्रहरीले  २९ राउण्ड हवाइफायर, ४४ राउण्ड अश्रुग्याँस प्रहार गरेको थियो ।

विनोद सुवेदी