कोरोना भाइरसको सङ्क्रमणसम्बन्धी दैनिक अपडेट (साउन १९ गते)
साउन १९ गते ४ सय १८ जनामा कोरोना पुष्टि भएसँगै कोरोना सङ्क्रमितको सङ्ख्या २० हजार ७ सय ५० जना पुगेको छ । स्वास्थ्य तथा जनसङ्ख्या मन्त्रालयले साउन १९ गते जारी गरेको प्रतिवेदन अनुसार सङ्क्रमितमध्ये १४ हजार ९ सय ६१ जना अस्पतालबाट डिस्चार्ज भएका छन् । साउन १९ गते ३ सय ५८ जना डिस्चार्ज भएका छन् भने निको दर ७२.१ प्रतिशत रहेको मन्त्रालयले जनाएको छ । ५ हजार ७ सय ३२ जनाको उपचार भइरहेको छ । गत २४ घण्टामा ७ हजार ६ सय ३७ जनाको स्वाब परीक्षण गरिएको मन्त्रालयले जारी गरेको स्थिति प्रतिवेदनमा उल्लेख छ ।
प्रदेश १
मोरङ प्रतिनिधि नेत्रप्रसाद अधिकारीका अनुसार कोरोना भाइरसको सङ्क्रमणबाट विराटनगर महानगरपालिका–५ का ७७ वर्षीय एक वृद्धको साउन १९ गते मृत्यु भएको सामाजिक विकास मन्त्रालयले जनाएको छ । साउन १९ गते बिहान १० बजे कोशी अस्पतालमा उपचारका लागि भर्ना भएका वृद्धको मृत्यु भएको स्वास्थ्य कार्यालय मोरङका प्रमुख ज्ञानबहादुर बस्नेतले जानकारी दिनुभयो । मृतक श्वासप्रश्वास र उच्च रक्तचापको समस्याबाट पीडित थिए । कोरोना रिपोर्ट आउनुअघि नै मृत्यु भएको प्रमुख बस्नेतले बताउनुभयो । वृद्धको ट्राभल हिष्ट्री नभएको उहाँको भनाइ छ । कोरोना सङ्क्रमण समुदायस्तरमा फैलिएको भन्दै विराटनगर महानगरपालिकाले भदौ १ गतेसम्मका लागि लकडाउनको घोषणा गरेको छ । मोरङमा कोरोना भाइरसको सङ्क्रमणबाट मृत्यु हुनेको सङ्ख्या दुई पुगेको छ । यसअघि सुनवर्षी नगरपालिकामा एक जनाको मृत्यु भएको थियो । विराटनगर महानगरपालिकामा कोरोना भाइरस सङ्क्रमितको सङ्ख्या १ सय ४२ पुगेको छ ।
प्रदेश ५
बाँकेको नेपालगञ्ज उपमनपाका कर्मचारी र जनप्रतिनिधिमा कोरोना सङ्क्रमण पुष्टि भएपछि साउन १९ गतेदेखि अर्को सूचना नहुञ्जेलसम्मका उमनपाको कार्यालय सील गरिएको प्रमुख प्रशासकीय अधिकृत ओमबहादुर खड्काले जानकारी दिनु भयो । भेरी अस्पतालमा गरिएको परीक्षणमा नेपालगञ्ज उमनपाका अधिकृत, जनप्रतिनिधि र कर्मचारी गरी आठ जनामा कोरोनाको सङ्क्रमण पुष्टि भएको उमनपाका स्वास्थ्य शाखा प्रमुख रामबहादुर चन्दले बताउनु भयो । आइसोलेशनको अभावमा नेपालगञ्ज आन्तरिक राजश्व कार्यालयमा भेटिएका पाँच जना कर्मचारीलाई सोही कार्यालयमै आइसोलेशन कक्ष तयार गरेर राखिएको छ ।
अनलाइन डेस्क
सम्बन्धित समाचारहरू
इन्सेकको पहलमा नागरिकता प्राप्त !
अनौपचारिक क्षेत्र सेवा केन्द्र (इन्सेक) इन्सेकको पहलमा गुँरास गाउँपालिका-४ की ३७ वर्षीय अमृताकुमारी विश्वकर्माले नागरिकता प्राप्त गर्नुभएको छ । कानुनी प्रक्रियाका लागि इन्सेकले ०८१ चैत ६ गते उपलब्ध गराएको ८…
कारागारमा राष्ट्रिय परिचयपत्र वितरण हुँदा कैदीबन्दीलाई सहज !
कारागारमा राष्ट्रिय परिचयपत्र वितरण हुँदा कैदीबन्दीलाई सहज भएको छ । जिल्ला प्रशासन कार्यालयले कारागारभित्रै राष्ट्रिय परिचयपत्र दर्ता तथा निर्माण कक्ष तयार गरी कैदीबन्दीका लागि सहजता बनाएको हो । प्रमुख जिल्ला…
आगलागीले घरगोठ जलेपछि कुवँर परिवारको बिचल्ली ! (फोटो फिचर)
आगलागीले घरगोठ जलेपछि खुम बहादुर कुवँर परिवारको बिचल्ली भएको छ । पति खुम बहादुर कुवँरको मृत्यु भएको धेरै भएको छैन । ६ महिना नपुग्दै इस्मा गाउँपालिका–१, हस्तिचौरकी ५० वर्षीया कमला…
यौन दुर्व्यवहार घटनाका आरोपितविरुद्ध उजुरी
१४ वर्षीया बालिकालाई यौन दुर्व्यवहार गरेको आरोपमा पीडित पक्षले पकाहा गाउँपालिका-१ का २५ वर्षीय भुषण राउत र २१ वर्षीय अरुण कुमार यादबविरुद्ध चैत ५ गते प्रहरीमा उजुरी दिएको छ । आरोपितद्वयले पीडित बालिकालाई ०८१ चैत…
महायज्ञका लागि दलितको घर भत्काएको विषयमा इन्सेक र आयोगद्वारा अनुगमन
महायज्ञका लागि औरही गाउँपालिका-५ का ३५ वर्षीय डोम समुदायका दीपक मरिकको घर भत्काएको घटना इन्सेक र राष्ट्रिय मानव अधिकार आयोगले अनुगमन गरेको छ । औरही गाउँपालिकाको डोजर प्रयोग गरी दीपक मरिकको…