समाचारहरू

नेपालमा कोरोना सङ्क्रमितको सङ्ख्या १७ हजार ६ सय ५८ पुगेको छ । स्वास्थ्य तथा जनसङ्ख्या मन्त्रालयले साउन ४ गते जारी गरेको प्रतिवेदनका अनुसार सङ्क्रमितमध्ये ११ हजार ६ सय ९५ जना अस्पतालबाट डिस्चार्ज भएका छन् । ५ हजार ९ सय २३ जनाको उपचार भइरहेको छ भने ४० जनाको मृत्यु भएको छ । सङ्क्रमितमध्ये निको दर ६६.२ प्रतिशत रहेको मन्त्रालयले जारी गरेको स्थिति प्रतिवेदनमा उल्लेख छ । साउन ४ गते जारी स्थिति प्रतिवेदन अनुसार ३ लाख १५ हजार ५ सय ७० जनाको पीसीआर परीक्षण गरिएको छ  भने २२ हजार ६ सय ६२ जना क्वारेण्टाइनमा रहेका छन् । साउन ४ गते मात्रै १ सय ५६ जनामा कारोना सङ्क्रमण देखिएको छ भने ५८ जना निको भइ डिस्चार्ज भएका छन् ।

गण्डकी प्रदेश

अनौपचारिक क्षेत्र सेवा केन्द्र (इन्सेक)ले नवलपरासी (बर्दघाट सुस्ता पूर्व)को कावासोती नगरपालिकालाई साउन ४ गते स्वास्थ्य सामग्री हस्तान्तरण गरेको छ । इन्सेक जिल्ला प्रतिनिधि तिर्थराज डुम्रे र इन्सेकद्वारा गठित मानव अधिकार समूहका सदस्य दयाराम आचार्यले संयुक्त रूपमा कावासोती नगरपालिकाका उपप्रमुख प्रेमशङ्कर मर्दनियालाई कोरोना रोकथाम तथा नियन्त्रणको लागि सहयोग स्वरुप ५ सय थान मास्क, एक लिटर स्यानिटाइजर र दुई थान थर्मल गनलगायतका स्वास्थ्य सामग्री हस्तान्तरण गर्नुभएको हो ।

अनलाइन डेस्क