समाचारहरू

स्वास्थ्य तथा जनसङ्ख्या मन्त्रालयका अनुसार यो एक साताको अवधिमा परीक्षण गरिएकामध्ये २३ प्रतिशतमा कोभिड सङ्क्रमण पुष्टि भएको छ । गत साता २४ प्रतिशतमा कोभिड सङ्क्रमण पुष्टि भएको थियो । यो साता प्रतिदिन सरदर ४० जनाको मृत्यु भएको तथ्याङ्कले देखाउँछ । अघिल्लो साता प्रतिदिन ४४ जना सङ्क्रमितको मृत्यु भएको थियो । मन्त्रालयले एक सातामा ५३ हजार ८ सय ३८ ओटा स्वाब परीक्षण गरिएको जनाएको छ । यो साता १२ हजार ५ सय ४८ जनामा कोभिड–१९ को सङ्क्रमण देखिएको मन्त्रालयले जनाएको छ । एक सातामा २८ हजार २ सय ५९ जना सङ्क्रमित निको भए भने २ सय ७९ जनाको मृत्यु भएको मन्त्रालयले जनायो ।

प्रदेश १

स्वास्थ्य तथा जनसङ्ख्या मन्त्रालयका अनुसार असार ८ गतेदेखि असार १४ गतेसम्मको अवधिमा झापामा ३ सय ९९ जना पुरूष र ३ सय ३५ जना महिला गरी ७ सय ३४ जनामा कोभिड–१९ को सङ्क्रमण पुष्टि भएको छ । त्यसैगरी सुनसरीमा ३ सय ९५ जना पुरूष र ३ सय ९४ जना महिला गरी ७ सय ८९ जना, मोरङमा ४ सय ४७ जना पुरूष र ३ सय ३९ जना महिला गरी ७ सय ६ जना, पाँचथरमा १९ जना पुरूष र १७ जना महिला गरी ३६ जना, सङ्खुवासभामा १६ जना पुरूष र आठ जना महिला गरी २४ जना, उदयपुरमा ३२ जना पुरूष र २५ जना महिला गरी ५७ जना, भोजपुरमा तीन जना पुरूष र ६ जना महिला गरी नौ जना, धनकुटामा २९ जना पुरूष र २५ जना महिला गरी ५४ जना, इलाममा आठ जना पुरूष र १० जना महिला गरी १८ जना, खोटाङमा १३ जना पुरूष र ६ जना महिला गरी १९ जना, ओखलढुङ्गामा चार जना पुरूष र एक जना महिला गरी पाँच जना, सोलुखुम्बमा चार जना पुरूष र ६ जना महिला गरी १० जना, ताप्लेजुङमा सात जना पुरूष र तीन जना महिला गरी १० जना र तेहृथुममा पाँच जना पुरूष र एक जना महिला गरी ६ जनामा कोभिड–१९ को सङ्क्रमण पुष्टि भएको छ । प्रदेश १ मा रहेका कोशी कोभिड–१९ अस्पताल, प्रदेश जनस्वास्थ्य प्रयोगशाला, वीपी कोइराला स्वास्थ्य विज्ञान प्रतिष्ठान घोपा प्रयोगशाला, मेची अस्पताल प्रयोगशाला, कोटीहोम प्रयोगशाला, नोवेल अस्पताल प्रयोगशाला, विराट अस्पताल प्रयोगशाला र न्यूरो अस्पताल प्रयोगशालामा गरिएको कोभिड–१९ को परीक्षणमा प्रदेश १ मा एक साताको अवधिमा २ हजार ४ सय ७७ जनामा कोभिड–१९ को सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

गण्डकी प्रदेश

गण्डकी प्रदेशमा असार ८ गतेबाट असार १४ गतेसम्म थप ३ हजार ५ सय ८४ जनामा कोभिड–१९ सङ्क्रमण देखिएको छ । जसमध्ये १ हजार ९ सय २३ जना पुरुष र १ हजार ६ सय ६१ जना महिला रहेका छन् । यो सगै प्रदेशमा कुल सङ्क्रमितको सङ्ख्या ५१ हजार ५ सय ७७ रहेको छ । नेपाल सरकार स्वास्थ्य तथा जनसङ्ख्या मन्त्रालयको असार १४ गतेको तथ्याङक अनुसार गण्डकी प्रदेशमा रहेका सक्रिय सङ्क्रमित मध्ये ४ हजार ८८ जना होम आइसोलेशनमा रहेका छन् भने २ सय ९० जना संस्थागत आइसोलेशन, ६६ जना आइसीयू र १३ जना भेन्टिलेटरमा रहेका छन् । हाल कास्की, बागलुङ र नवलपरासी पूर्व मा ५ सय भन्दा बढी सक्रिय सङ्क्रमित रहेका छन् भने लमजुङ, गोरखा, पर्वत, तनहुँ र म्याग्दीमा २ सय भन्दा बढी सक्रिय सङ्क्रमित रहेका छन् । सामाजिक विकास मन्त्रालय, स्वास्थ्य निर्देशनालय गण्डकी प्रदेशको असार १४ गतेको तथ्याङ्क अनुसार गत २४ घण्टामा कोभिड–१९ सङ्क्रमणले ६ जनाको मृत्यु भएको छ । यो सगै प्रदेशमा कोभिड–१९ सङ्क्रमणले ९ सय ४० जनाको मृत्यु भएको छ ।

लुम्बिनी प्रदेश

लुम्बिनी प्रदेशमा यस साता पुरुष ४ सय ४ र  महिला २ सय ७८ गरी जम्मा ६ सय ८२ जना सङ्क्रमित भएका छन् । गत साता यो सङख्या ६ हजार ६७  रहेको थियो । यस साता सबैभन्दाबढी रुपन्देही जिल्लामा १ सय २४ जनामा सङ्क्रमण पुष्टि भएको छ । सबै भन्दा कम प्यूठान जिल्लामा दुई जनामा सङ्क्रमण पुष्टि भएको छ ।  बाँके, कपिलवस्तुलगायतका जिल्लामा  निषेध आदेशलाई  पहिलाको तुलनामा  खुकुलो गरी असार २५ गतेसम्मका लागि थप गरिएको छ । लुम्बिनी प्रदेश स्वास्थ्य मन्त्रालयका अनुसार असार १३ गतेसम्म कोभिडबाट मृत्यु हुनेको सङ्ख्या १ हजार ९ सय ४ पुगेको छ । जम्मा ९६ हजार ५ सय सङ्क्रमित मध्ये ७८ हजार ६५ जना निको भएका छन् । प्रदेशमा  १ हजार २ सय ७२ जना सक्रिय सङ्क्रमित रहेका छन् ।

सुदूरपश्चिम प्रदेश

स्वास्थ्य तथा जनसङ्ख्या मन्त्रालयका अनुसार सुदूरपश्चिम प्रदेशमा २०७८ असार ८ गतेदेखि २०७८ असार  १४ गतेसम्म ६६ जना महिला सहित १ सय ७८ जनामा सङ्क्रमण पुष्टि भएको छ । असार १४ गते मात्रै सुदूरपश्चिमका अछाम जिल्लामा एक जना महिला सहित चार जना , डडेल्धुरामा एक महिला सहित दुई जना, कैलालीमा दुई जना पुरुष र कञ्चनपुरमा चार जना पुरुष गरी १२ जनामा सङ्क्रमण पुष्टि भएको छ । हालसम्म ५ सय ७० जनाको मृत्यु भएको भएपनि अघिल्लो २४ घण्टामा सुदूरपश्चिम प्रदेशका कुनै पनि जिल्लामा कोभिड सङ्क्रमणका कारण मृत्यु नभएको सुदूरपश्चिम प्रदेश समाजिक विकास मन्त्रालय स्वास्थ्य निर्देशनालय राजपुर, डोटीले जनाएको छ । असार १४ गतेसम्म आइसियुमा आठ जना, भेन्टीलेटरमा चार जना, कोभिड वार्डमा चार जनाको उपचार भइरहेको र अघिल्लो २४ घण्टामा १२ जना निको भएको मन्त्रालयले जनाएको छ । हालसम्म यस प्रदेशमा ४३ हजार ५ सय ७४ जनामा सङ्क्रमण पुष्टि भइसकेको छ ।

अनलाइन डेस्क