समाचारहरू

स्वास्थ्य तथा जनसङ्ख्या मन्त्रालयका अनुसार यो एक साताको अवधिमा परीक्षण गरिएकामध्ये २४ प्रतिशतमा कोभिड सङ्क्रमण पुष्टि भएको छ । गत साता २८ प्रतिशतमा कोभिड सङ्क्रमण पुष्टि भएको थियो । सङ्क्रमित मध्ये १२ प्रतिशत १९ वर्ष मुनिका व्यक्तिलाई कोभिड सङ्क्रमण देखिएको छ । यो साता प्रतिदिन सरदर ४४ जनाको मृत्यु भएको तथ्याङ्कले देखाउँछ । अघिल्लो साता प्रतिदिन ६८ जना सङ्क्रमितको मृत्यु भएको थियो । मन्त्रालयले एक सातामा ५१ हजार ६ सय ८६ ओटा स्वाब परीक्षण गरिएको जनाएको छ । यो साता १२ हजार १ सय १९ जनामा कोभिड–१९ को सङ्क्रमण देखिएको मन्त्रालयले जनाएको छ । एक सातामा २३ हजार ६ सय ७६ जना सङ्क्रमित निको भए भने ३ सय ७ जनाको मृत्यु भएको मन्त्रालयले जनायो ।

एक साताको अवधिमा कोभिड परीक्षण, सङ्क्रमित, निको भएका र मृत्यु
विवरण	७ गते	६ गते	५ गते	४ गते	३ गते	२ गते	१ गते	जम्मा
परीक्षण	६५८३	६६७७	७०१०	७५६९	७७११	८६८७	७४४९	५१६८६
सङ्क्रमित	१५८४	१४२१	१६८८	१९६३	१७६८	२०१४	१६८१	१२११९
काठमाडौँ उपत्यकाका सङ्क्रमित	३७९	५४८	३३७	५०८	५७०	४९९	५४५	३३८६
१९ वर्ष मुनिकालाई सङ्क्रमण	१९४	२०९	१८७	२४४	२१४	२३७	२०७	१४९२
निको भएका	३१३०	३४५६	३६६०	४०२०	२१४१	३०८२	४१८७	२३६७६
मृत्यु	४६	५१	३४	४४	३९	५२	४१	३०७

प्रदेश १

स्वास्थ्य तथा जनसङ्ख्या मन्त्रालयका अनुसार ०७८ जेठ ३१ गतेदेखि असार ७ गतेसम्मको अवधिमा झापामा ३ सय ९० जना पुरूष र ३ सय ६९ जना महिला गरी ७ सय ५९ जनामा कोभिड–१९ को सङ्क्रमण पुष्टि भएको छ । त्यसैगरी सुनसरीमा ३ सय ८ जना पुरूष र २ सय ८६ जना महिला गरी ५ सय ९४ जना, मोरङमा ४ सय २२ जना पुरूष र ३ सय ६० जना महिला गरी ७ सय ८२ जना, पाँचथरमा ४६ जना पुरूष र ३७ जना महिला गरी ८३ जना, सङ्खुवासभामा २४ जना पुरूष र १५ जना महिला गरी ३९ जना, उदयपुरमा ४७ जना पुरूष र २३ जना महिला गरी ६० जना, भोजपुरमा १४ जना पुरूष र दुई जना महिला गरी १६ जना, धनकुटामा १९ जना पुरूष र १६ जना महिला गरी ३५ जना, इलाममा १४ जना पुरूष र १० जना महिला गरी २४ जना, खोटाङमा २८ जना पुरूष र १८ जना महिला गरी ४६ जना, ओखलढुङ्गामा तीन जना पुरूष र एक जना महिला गरी चार जना, सोलुखुम्बमा १४ जना पुरूष र तीन जना महिला गरी १७ जना, ताप्लेजुङमा पाँच जना पुरूष र एक जना महिला गरी ६ जना र तेहृथुममा १४ जना पुरूष र ६ जना महिला गरी २० जनामा कोभिड–१९ को सङ्क्रमण पुष्टि भएको छ । प्रदेश १ मा रहेका कोशी कोभिड–१९ अस्पताल, प्रदेश जनस्वास्थ्य प्रयोगशाला, वीपी कोइराला स्वास्थ्य विज्ञान प्रतिष्ठान घोपा प्रयोगशाला, मेची अस्पताल प्रयोगशाला, कोटीहोम प्रयोगशाला, नोवेल अस्पताल प्रयोगशाला, विराट अस्पताल प्रयोगशाला र न्यूरो अस्पताल प्रयोगशालामा गरिएको कोभिड–१९ को परीक्षणमा प्रदेश १ मा एक साताको अवधिमा २ हजार ४ सय ९५ जनामा कोभिड–१९ को सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

प्रदेश २

प्रदेश २ स्वास्थ्य निर्देशनालयका अनुसार २०७८ असार १ गतेदेखि असार ७ गतेसम्मको अवधिमा धनुषामा ४६ महिला र ७७ पुरुष गरी १ सय २३ जनामा कोभिड–१९ को सङ्क्रमण पुष्टि भएको छ । त्यसैगरी सप्तरीमा २१ महिला र ३५ पुरुष गरी ५६ जना, सिरहामा १९ महिला र ५६ पुरुष गरी ७५ जना, महोत्तरीमा २३ महिला र ३३ पुरुष गरी ५६ जना, सर्लाहीमा १३ महिला र ३२ पुरुष गरी ४५ जना, रौतहटमा आठ महिला र १४ पुरुष गरी २२ जना, बारामा २७ महिला र ४१ पुरुष गरी ६८ जना र पर्सा जिल्लामा सात महिला र सात पुरुष गरी १४ जनामा कोभिड–१९ सङ्क्रमण पुष्टि भएको छ । प्रदेश २ मा गरिएको कोभिड–१९ को स्वाव परीक्षणमा एक साताको अवधिमा १ सय ६४ महिला र २ सय ९५ जना पुरुष गरी ४ सय ५९ जनामा कोरोना सङ्क्रमण पुष्टि भएको स्वास्थ्य निर्देशनालयले जनाएको छ । प्रदेश २ मा एक साताको अवधिमा सप्तरीमा दुई महिला र एक परुष, सिरहामा चार पुरुष, धनुषामा एक महिला र पाँच परुष, रौतहटमा तीन पुरुष, बारामा तीन महिला र तीन पुरुष र पर्सामा एक महिला र दुई पुरुष गरी २५ जनाको मृत्यु भएको स्वास्थ्य निर्देशनालयले जनाएको छ । 

गण्डकी प्रदेश

गण्डकी प्रदेशमा असार १ गतेदेखि असार ७ गतेसम्म थप २ हजार ५ सय ३६ जनामा कोभिड–१९ सङ्क्रमण देखिएको छ । जसमध्ये १ हजार ३ सय ७६ जना पुरुष र १ हजार १ सय ६०जना महिला रहेका छन् । योसँगै प्रदेशमा कुल सङ्क्रमितको सङ्ख्या ४७ हजार ९ सय ९३ रहेको छ । नेपाल सरकार स्वास्थ्य तथा जनसङ्ख्या मन्त्रालयको असार ७ गतेको तथ्याङ्क अनुसार गण्डकी प्रदेशमा रहेका सक्रिय सङ्क्रमितमध्ये ५ हजार ९ सय ३५ जना होम आइसोलेशनमा रहेका छन् भने ५ सय ४० जना संस्थागत आइसोलेशन, ८४ जना आइसीयू र २१ जना भेन्टिलेटरमा रहेका छन् । कोभिड–१९ सङ्क्रमण बढेसँगै गण्डकी प्रदेशमा मनाङ बाहेक १० ओटा जिल्लामा आंशिक र पूर्ण रुपमा निषेध आदेश जारी रहेको छ । हाल कास्की, गोरखा, तनहुँ, बागलुङ र नवलपरासी पूर्वमा ५ सयभन्दा बढी सक्रिय सङ्क्रमित रहेका छन् भने लमजुङ, स्याङजा, पर्वत र म्याग्दीमा २ सयभन्दा बढी सक्रिय सङ्क्रमित रहेका छन् । सामाजिक विकास मन्त्रालय, स्वास्थ्य निर्देशनालय गण्डकी प्रदेशको असार ७ गतेको तथ्याङ्क अनुसार प्रदेशमा कोभिड–१९ सङ्क्रमणले ८ सय ९५ जनाको मृत्यु भएको छ ।

लुम्बिनी प्रदेश

लुम्बिनी प्रदेशमा यस साता पुरुष ३ सय ७० र  महिला २ सय ७७ गरी जम्मा ६ सय ६७ जना सङ्क्रमित भएका छन । गत साता यो सङख्या १ हजार ५ सय ८५ रहेको थियो । यस साता सबैभन्दाबढी रुपन्देही जिल्लामा १ सय ४५ जनामा सङ्क्रमण पुष्टि भएको छ । रुकुम पुर्व जिल्लामा सङ्क्रमण शुन्यमा झरेको छ । बाँकेमा जारी निषेध आदेश असार ७ गतेको निर्णय अनुसार असार १४ गतेसम्मका लागि थप गरिएको छ । बाँकेका प्रमुख जिल्ला अधिकारी शिवराम गेलालले जारी गरेको निषेध आदेशमा पहिलाको भन्दा खुकुलो बनाइएको छ । जिल्ला प्रशासन कार्यालयले पसल, व्यवसाय बिहान ९ देखि ४ बजेसम्म सञ्चालनमा आउने भएका छन् ।

कर्णाली प्रदेश

कर्णाली प्रदेशमा २७ हजार ३ सय ४१ जनामा कोभिड–१९ सङ्क्रमण पुष्टि भएको छ । कर्णाली प्रदेश स्वास्थ्य निर्देशनालयका अनुसार हालसम्म २४ हजार ३ सय ४३ जनाले कोभिडलाई जितेर घर फर्किएका छन् । हाल आइसोलेशनमा १ हजार ५ सय ८२ जना रहेका छने भने प्रदेशभरीमा मृत्यु हुनेको सङ्ख्या ३ सय रहेको छ । यो हप्ता ५ सय ४२ जना नयाँ सङ्क्रमित थपिएका छन । सातामा ९ जनाको मृत्यु भएको निर्देशनालयको तथ्याङ्क छ ।

सुदूरपश्चिम प्रदेश

स्वास्थ्य तथा जनसङ्ख्या मन्त्रालयका अनुसार सुदूरपश्चिम प्रदेशमा २०७८ असार १ गतेदेखि २०७८ असार ७ गतेसम्म ६१ जना महिला सहित २ सय १० जनामा सङ्क्रमण पुष्टि भएको छ । असार ७ गते मात्रै सुदूरपश्चिमका अछाम जिल्लामा दुई जना पुरुष, बैतडीमा एक जना पुरुष, दार्चुलामा एक जना पुरुष, कैलालीमा एक जना महिला र कञ्चनपुरमा तीन जना पुरुष गरी आठ जनामा सङ्क्रमण पुष्टि भएको छ । अघिल्लो २४ घण्टमा कैलाली जिल्लामा एक जनाको मृत्यु भएसँगै यस प्रदेशमा मृत्यु हुनेको सङ्ख्या ५ सय ६७ जनाको मृत्यु भएको सुदूरपश्चिम प्रदेश समाजिक विकास मन्त्रालय स्वास्थ्य निर्देशनालय राजपुर, डोटीले जनाएकोे छ । आइसियुमा २२ जना र भेन्टीलेटरमा सात जना र कोभिड वार्डमा सात जनाको उपचार भइरहेको मन्त्रालयले जनाएको छ । अधिल्लो २४ घण्टामा १२ जना निको भएको निर्देशनालयले जनाएको छ । हालसम्म यस प्रदेशमा ४३ हजार २ सय ३७ जनामा सङ्क्रमण पुष्टि भइसकेको छ ।

अनलाइन डेस्क