समाचारहरू

स्वास्थ्य तथा जनसङ्ख्या मन्त्रालयका अनुसार यो एक साताको अवधिमा परीक्षण गरिएकामध्ये ११.६४ प्रतिशतमा कोभिड सङ्क्रमण पुष्टि भएको छ । यो साता प्रतिदिन सरदर १५ जनाको मृत्यु भएको तथ्याङ्कले देखाउँछ । मन्त्रालयले एक सातामा ६४ हजार ८ सय ७२ ओटा स्वाब परीक्षण गरिएको जनाएको छ । यो साता ७ हजार ५ सय ५३ जनामा कोभिड–१९ को सङ्क्रमण देखिएको मन्त्रालयले जनाएको छ । एक सातामा ११ हजार ७ सय ८९ जना सङ्क्रमित निको भए भने १ सय ७ जनाको मृत्यु भएको मन्त्रालयले जनायो ।

प्रदेश १

स्वास्थ्य तथा जनसङ्ख्या मन्त्रालयका अनुसार ०७८ भदौ २२ गतेदेखि भदौ २८ गतेसम्मको अवधिमा झापामा २ सय ८९ जना पुरूष र २ सय ७३ जना महिला गरी ५ सय ६२ जनामा कोभिड–१९ को सङ्क्रमण पुष्टि भएको छ । त्यसैगरी सुनसरीमा २ सय ४१ जना पुरूष र २ सय ६५ जना महिला गरी ५ सय ६ जना, मोरङमा ३ सय ७७ जना पुरूष र ३ सय ७२ जना महिला गरी ७ सय ४९ जना, पाँचथरमा सात जना पुरूष र दुई जना महिला गरी सात जना, सङ्खुवासभामा पाँच जना पुरूष र एक जना महिला गरी ६ जना, उदयपुरमा आठ जना पुरूष र १२ जना महिला गरी २० जना, भोजपुरमा तीन जना पुरूष र तीन जना महिला गरी ६ जना, धनकुटामा १८ जना पुरूष र २१ जना महिला गरी ३९ जना, इलाममा ११ जना पुरूष र १४ जना महिला गरी २५ जना, खोटाङमा ११ जना पुरूष र तीन जना महिला गरी १४ जना, ओखलढुङ्गामा चार जना पुरूष र चार जना महिला गरी आठ जना, सोलुखुम्बमा पाँच जना पुरूष र दुई जना महिला गरी सात जना, ताप्लेजुङमा सात जना पुरूष र तीन जना महिला गरी १० जना र तेहृथुममा तीन जना पुरूषमा कोभिड–१९ को सङ्क्रमण पुष्टि भएको छ । प्रदेश १ मा रहेका कोशी कोभिड–१९ अस्पताल,प्रदेश जनस्वास्थ्य प्रयोगशाला, वीपी कोइराला स्वास्थ्य विज्ञान प्रतिष्ठान घोपा प्रयोगशाला, मेची अस्पताल प्रयोगशाला, कोटीहोम प्रयोगशाला, नोवेल अस्पताल प्रयोगशाला, विराट अस्पताल प्रयोगशाला र न्यूरो अस्पताल प्रयोगशालामा गरिएको कोभिड–१९ को परीक्षणमा प्रदेश १ मा एक साताको अवधिमा १ हजार ९ सय ६४ जनामा कोभिड–१९ को सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

गण्डकी प्रदेश

प्रदेश सरकार स्वास्थ्य तथा जनसङ्ख्या मन्त्रालय, स्वास्थ्य निर्देशनालय गण्डकी प्रदेशको भदौ २८ गतेको तथ्याङ्क अनुसार प्रदेशमा कुल ८३ हजार ६ सय ७२ जना कोभिड–१९ बाट सङ्क्रमित भएका छन् । हाल कास्की र नवलपरासी पूर्वमा ५ सय भन्दा बढी सक्रिय सङ्क्रमित रहेका छन् भने तनहुँ, बागलुङ, गोरखा, स्याङजा र पर्वतमा २ सय भन्दा बढी सक्रिय सङ्क्रमित रहेका छन् । गण्डकी प्रदेशमा रहेका सक्रिय सङ्क्रमितमध्ये ५ हजार ३ सय १७ जना होम आइसोलेशन, २ सय ७ जना संस्थागत आइसोलेशन, ८६ जना आइसीयू र चार जना भेण्टीलेटरमा रहेका छन् । प्रदेशमा कोभिड–१९ सङ्क्रमणले १ हजार ३ सय ३२ जनाको मृत्यु भएको छ । प्रदेशका विभिन्न स्थानिय तहमा यो साता खोप कार्यक्रम जारी रहयो । प्रदेश सरकार स्वास्थ्य जनसङ्ख्या मन्त्रालयको तथ्याङ्क अनुसार भदौ २८ गतेसम्म गण्डकी प्रदेशमा ६ लाख १० हजार ४ सय ८० जनाले कोभिड १९ विरुद्धको पूर्ण खोप लगाएका छन् भने ४ लाख ५३ हजार ८ सय ९७ जनाले खोपको पहिलो मात्रा लगाएका छन् ।

लुम्बिनी प्रदेश

लुम्बिनी प्रदेशमा यस साता  ५ सय २० जना  कोभिड सङ्क्रमित भए । जसमध्ये २ सय ९० जना पुरुष र २ सय ३० जना महिला रहेका छन् । गत साता सङ्क्रमित हुनेको सङ्ख्या ५ सय ६४ रहेको थियो । लुम्बिनी प्रदेशमा ५ सयभन्दा बढी सक्रिय सङ्क्रमित रुपन्देही हो भने २ सय भन्दा बढी सक्रिय सङ्क्रमित बाँके, पाल्पा, दाङ, गुल्मी र बर्दियामा रहेका छन् । बाँकेमा ६७ जनाको परीक्षण गर्दा दुई जनामा मात्रै कोभिड पुष्टि भएको छ । जिल्ला कोभिड व्यवस्थापन केन्द्रका अनुसार भेरी अस्पतालमा २१ जनाको परीक्षण गर्दा दुई जनामा पुष्टि भएको छ । कोहलपुर मेडिकल कलेजमा २६ जना र बागेश्वरी ल्याबमा २० जनाको परीक्षण गर्दा नेगेटिभ आएको छ । दाङमा कोभिडका कारण दुई वर्षदेखि बन्द रहेका विद्यालयहरू भदौ २८ गते देखि सञ्चालनमा आएका छन् । जिल्लाका १० ओटा स्थानीय तहमा स्वास्थ्य मापदण्ड अपनाएर विद्यालय सञ्चालन भएका छन् । यसैगरी, बाँकेको नेपालगञ्ज उपमनपा भित्रका विद्यालयहरू भदौ २७ गतेबाट सञ्चालनमा आएका छन् ।

सुदूरपश्चिम प्रदेश

सुदूरपश्चिम प्रदेश समाजिक विकास मन्त्रालय स्वास्थ्य निर्देशनालय राजपुर, डोटीका अनुसार सुदूरपश्चिम प्रदेशमा २०७८ भदौ २२ गतेदेखि २०७८ भदौ २८ गतेसम्म १ सय १५ जनामा सङ्क्रमण पुष्टि भएको छ । भदौ २८ गते मात्रै सुदूरपश्चिमका डडेल्धुरा दुई, डोटीमा तीन र कञ्चनपुरमा दुई जना गरी सात जनामा सङ्क्रमण पुष्टि भएको छ । यस साता एक जना कोभिड सङ्क्रमितको मुत्यु भएसँगै यस प्रदेशमा मृत्यु हुनेको सङ्ख्या ५ सय ८७ जना रहेको सुदूरपश्चिम प्रदेश समाजिक विकास मन्त्रालय स्वास्थ्य निर्देशनालय राजपुर, डोटीले जनाएको छ । भदौ २८ गतेसम्म ३० जना महिलासहित ८५ जना होम आइसोलेशनमा रहेका छन् । आइसीयूमा सात जना र भेन्टीलेटरमा चार जनाको उपचार भइरहेको मन्त्रालयले जनाएको छ । हालसम्म ३ लाख ३० हजार ५४ जनाको कोभिड परीक्षण भएकोमा ४६ हजार ६ सय ५ जनामा सङ्क्रमण पुष्टि भइसकेको छ । स्वास्थ्य तथा जनसङ्ख्या मन्त्रालयका अनुसार सुदूरपश्चिम प्रदेशमा कोभिशिल्ड पहिलो खोप पाउनेको सङ्ख्या २ लाख ९० हजार ४० जना रहेकोमा कोभिशिल्ड दोस्रो खोप १ लाख ८० हजार ७ सय ११ जनाले मात्रै पाएका छन् । यसैगरी भेरोसेल पहिलो खोप पाउनेको सङ्ख्या २ लाख ६६ हजार ४ सय ४३ जना रहेकोमा भेरोसेल दोस्रो खोप १ लाख ८४ हजार ४ सय ३६ जनाले मात्रै पाएका छन् । जोन्सन एण्ड जोन्सन कम्पनीको खोप १ लाख ३५ हजार ७ सय ६९  जनालाई लगाइएको छ ।

अनलाइन डेस्क