समाचारहरू

स्वास्थ्य तथा जनसङ्ख्या मन्त्रालयका अनुसार यो एक साताको अवधिमा परीक्षण गरिएकामध्ये २५ प्रतिशतमा कोभिड सङ्क्रमण पुष्टि भएको छ । गत साता २३ प्रतिशतमा कोभिड सङ्क्रमण पुष्टि भएको थियो । यो साता प्रतिदिन सरदर ३१ जनाको मृत्यु भएको तथ्याङ्कले देखाउँछ । अघिल्लो साता प्रतिदिन २३ जना सङ्क्रमितको मृत्यु भएको थियो । मन्त्रालयले एक सातामा ७१ हजार ६ सय ९९ ओटा स्वाब परीक्षण गरिएको जनाएको छ । यो साता १७ हजार ८ सय ३७ जनामा कोभिड–१९ को सङ्क्रमण देखिएको मन्त्रालयले जनाएको छ । एक सातामा १२ हजार ९ सय ३१ जना सङ्क्रमित निको भए भने २ सय १७ जनाको मृत्यु भएको मन्त्रालयले जनायो ।

प्रदेश १

स्वास्थ्य तथा जनसङ्ख्या मन्त्रालयका अनुसार ०७८ साउन १९ गतेदेखि साउन २५ गतेसम्मको अवधिमा झापामा ७ सय जना पुरूष र ६ सय २० जना महिला गरी १ हजार ३ सय २० जनामा कोभिड–१९ को सङ्क्रमण पुष्टि भएको छ । त्यसैगरी सुनसरीमा ३ सय २९ जना पुरूष र ३ सय १३ जना महिला गरी ६ सय ४२ जना, मोरङमा ४ सय ४६ जना पुरूष र ३ सय ९९ जना महिला गरी ८ सय ४५ जना, पाँचथरमा २२ जना पुरूष र १४ जना महिला गरी ३६ जना, सङ्खुवासभामा १३ जना पुरूष र १० जना महिला गरी २३ जना, उदयपुरमा २५ जना पुरूष र २४ जना महिला गरी ४९ जना, भोजपुरमा १५ जना पुरूष र ६ जना महिला गरी २१ जना, धनकुटामा ६९ जना पुरूष र ४० जना महिला गरी १ सय ९ जना, इलाममा ३८ जना पुरूष र २७ जना महिला गरी ६५ जना, खोटाङमा १५ जना पुरूष र पाँच जना महिला गरी २० जना, ओखलढुङ्गामा आठ जना पुरूष र १३ जना महिला गरी २१ जना, सोलुखुम्बमा चार जना पुरूष र सात जना महिला गरी ११ जना, ताप्लेजुङमा सात जना पुरूष र चार जना महिला गरी ११ जना र तेहृथुममा १३ जना पुरूष र तीन जना महिला गरी १६ जनामा कोभिड–१९ को सङ्क्रमण पुष्टि भएको छ । प्रदेश १ मा रहेका कोशी कोभिड–१९ अस्पताल,प्रदेश जनस्वास्थ्य प्रयोगशाला,वीपी कोइराला स्वास्थ्य विज्ञान प्रतिष्ठान घोपा प्रयोगशाला,मेची अस्पताल प्रयोगशाला,कोटीहोम प्रयोगशाला, नोवेल अस्पताल प्रयोगशाला, विराट अस्पताल प्रयोगशाला र न्यूरो अस्पताल प्रयोगशालामा गरिएको कोभिड–१९ को परीक्षणमा प्रदेश १ मा एक साताको अवधिमा ३ हजार १ सय ८९ जनामा कोभिड–१९ को सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

गण्डकी प्रदेश

प्रदेश सरकार स्वास्थ्य तथा जनसङ्ख्या मन्त्रालय, स्वास्थ्य निर्देशनालय गण्डकी प्रदेशको साउन १८ गतेको तथ्याङ्क अनुसार प्रदेशमा कुल ७२ हजार ६ सय २८ जना कोभिड–१९ बाट सङ्क्रमित भएका छन् । हाल कास्की, बागलुङ, गोरखा र नवलपरासी पूर्वमा ५ सय भन्दा बढी सक्रिय सङ्क्रमित रहेका छन् भने स्याङजा, , लमजुङ, पर्वत र  तनहुँमा २ सय भन्दा बढी सक्रिय सङ्क्रमित रहेका छन् । गण्डकी प्रदेशमा रहेका सक्रिय सङ्क्रमित मध्ये ६ हजार ९५ जना होम आइसोलेशन, ३ सय ३४ जना संस्थागत आइसोलेशन, ६६ जना आइसियू र दुई जना भेण्टीलेटरमा रहेका छन् । गत २४ घण्टामा कोभिड–१९ सङ्क्रमणले पाँच जनाको मृत्यु भएको छ । यो सगै प्रदेशमा कोभिड–१९ सङ्क्रमणले १ हजार १ सय ४१ जनाको मृत्यु भएको छ । प्रदेशका विभिन्न स्थानिय तहमा यो साता खोप कार्यक्रम जारी रहयो । नेपाल सरकार स्वास्थ्य जनसङ्ख्या मन्त्रालयको तथ्याङ्क अनुसार साउन २५ गतेसम्म गण्डकी प्रदेश भरी १ लाख ९४ हजार १ सय २१ जनाले कोभिसिल्डको पहिलो मात्राको खोप लगाएका छन् भने ५६ हजार ५९ जनाले दोस्रो मात्राको खोप लगाएका छन् । त्यसैगरि भेरोसेल खोप अन्तरगत २ लाख ६१ हजार २ सय ८७ जनाले पहिलो मात्राको खोप लगाएका छन् भने ४७ हजार २ सय २९ जनाले दोस्रो मात्राको खोप लगाएका छन् । त्यसै गरी जे एण्ड जे खोप कुल ९४ हजार ४ सय जनाले लगाएका छन् । साउन २५ गतेबाट ६५ वर्ष उमेर समूहले कोभिसिल्डको दोस्रो मात्राको खोप लगाउन थालेका छन् ।

लुम्बिनी प्रदेश

लुम्बिनी प्रदेशमा यस साता १ हजार ३६ जना कोभिड सङ्क्रमित भए । जसमध्ये ५ सय ८१ पुरुष र ४ सय ५५ जना महिला रहेका छन् । लुम्बिनी प्रदेशमा ५ सय भन्दा बढी सक्रिय सङ्क्रमित रुपन्देहीमा रहेका छन् भने २ सय भन्दा बढी सक्रिय सङ्क्रमित बाँके, पाल्पा, दाङ र बर्दियामा रहेका छन् । प्रदेशमा कोभिशिल्डको पहिलो डोज २ लाख ८५ हजार ५ जनाले लगाए भने दोस्रो डोज ९१ हजार २ सय १७ जनाले लगाएका छन् । भेरोशिल पहिलो डोजज ३ लाख ८१ हजार १ सय २० जनाले लगाए भने दोस्रो डोज ७३ हजार ८ सय ५० जनाले लगाएका छन् । यसैगरी जोन्सन एण्ड जोन्सनको २ लाख ४९ हजार २ सय ५६ जनाले लगाएका छन् ।

अनलाइन डेस्क