समाचारहरू

स्वास्थ्य तथा जनसङ्ख्या मन्त्रालयका अनुसार यो एक साताको अवधिमा परीक्षण गरिएकामध्ये २३ प्रतिशतमा कोभिड सङ्क्रमण पुष्टि भएको छ । गत साता १९ प्रतिशतमा कोभिड सङ्क्रमण पुष्टि भएको थियो । यो साता प्रतिदिन सरदर २३ जनाको मृत्यु भएको तथ्याङ्कले देखाउँछ । अघिल्लो साता प्रतिदिन २२ जना सङ्क्रमितको मृत्यु भएको थियो । मन्त्रालयले एक सातामा ७१ हजार १ सय ५७ ओटा स्वाब परीक्षण गरिएको जनाएको छ । यो साता १६ हजार ७ सय २ जनामा कोभिड–१९ को सङ्क्रमण देखिएको मन्त्रालयले जनाएको छ । एक सातामा १२ हजार ८ सय २१ जना सङ्क्रमित निको भए भने १ सय ६० जनाको मृत्यु भएको मन्त्रालयले जनायो ।

प्रदेश १

स्वास्थ्य तथा जनसङ्ख्या मन्त्रालयका अनुसार ०७८ साउन १२ गतेदेखि साउन १८ गतेसम्मको अवधिमा झापामा ६ सय ९२ जना पुरूष र ६ सय ७७ जना महिला गरी १ हजार ३ सय ६९ जनामा कोभिड–१९ को सङ्क्रमण पुष्टि भएको छ । त्यसैगरी सुनसरीमा ५ सय ३३ जना पुरूष र ४ सय ९६ जना महिला गरी १ हजार २९ जना, मोरङमा ५ हजार ४९ जना पुरूष र ४ सय ९९ जना महिला गरी १ हजार ४८ जना, पाँचथरमा २४ जना पुरूष र ११ जना महिला गरी ३५ जना, सङ्खुवासभामा ९ जना पुरूष र ६ जना महिला गरी १५ जना, उदयपुरमा २३ जना पुरूष र १४ जना महिला गरी ३७ जना, भोजपुरमा १३ जना पुरूष र ६ जना महिला गरी १९ जना, धनकुटामा ६५ जना पुरूष र ४१ जना महिला गरी १ सय ६ जना, इलाममा ३४ जना पुरूष र २५ जना महिला गरी ५९ जना, खोटाङमा १५ जना पुरूष र नौ जना महिला गरी २४ जना, ओखलढुङ्गामा १७ जना पुरूष र आठ जना महिला गरी २५ जना, सोलुखुम्बमा १३ जना पुरूष र चार जना महिला गरी १७ जना, ताप्लेजुङमा सात जना पुरूष र दुई जना महिला गरी नौ जना र तेहृथुममा १० जना पुरूष र नौ जना महिला गरी १९ जनामा कोभिड–१९ को सङ्क्रमण पुष्टि भएको छ । प्रदेश १ मा रहेका कोशी कोभिड–१९ अस्पताल, प्रदेश जनस्वास्थ्य प्रयोगशाला, वीपी कोइराला स्वास्थ्य विज्ञान प्रतिष्ठान घोपा प्रयोगशाला, मेची अस्पताल प्रयोगशाला, कोटीहोम प्रयोगशाला, नोवेल अस्पताल प्रयोगशाला, विराट अस्पताल प्रयोगशाला र न्यूरो अस्पताल प्रयोगशालामा गरिएको कोभिड–१९ को परीक्षणमा प्रदेश १ मा एक साताको अवधिमा ३ हजार ८ सय ११ जनामा कोभिड–१९ को सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

प्रदेश २

एक साताको अवधिमा प्रदेश २ अन्तर्गतका आठ जिल्लामध्ये सप्तरीमा एक ४७ वर्षीया महिलाको कोभिड सङ्क्रमणबाट मृत्यु भएको प्रदेश २ स्वास्थ्य निर्देशनालयले जनाएको छ । यो साता प्रदेश २ मा १ सय २० जना सङ्क्रमित थपिएका निर्देशनालयले जनाएको छ । जसमध्ये सप्तरीमा नौ, सिरहामा १०, धनुषामा १७, महोत्तरीमा १२, सर्लाहीमा १३, रौतहटमा १५, बारामा ३१ र पर्सामा १३ जना व्यक्ति कोभिड सङ्क्रमित थपिएका हुन् । यस अवधिमा सात वर्षदेखि ६३ वर्ष उमेर समूहका व्यक्ति सङ्क्रमित भए । कोभिड सङ्क्रमितमध्ये गम्भीर प्रकृतिका बिरामीलाई कोभिड अस्पतालमा उपचार गरिने गरिएको र सामान्य सङ्क्रमितहरू हाल होम आइसोलेशनमा रहेको स्वास्थ्य निर्देशनालयका वरिष्ठ चिकित्सक डाक्टर कमलेशप्रसाद यादवले बताउनु भयो ।

गण्डकी प्रदेश

प्रदेश सरकार स्वास्थ्य तथा जनसङ्ख्या मन्त्रालय, स्वास्थ्य निर्देशनालय गण्डकी प्रदेशको साउन १८ गतेको तथ्याङ्क अनुसार प्रदेशमा कुल ६८ हजार ६ सय ४३ जना कोभिड–१९ बाट सङ्क्रमित भएका छन् । हाल कास्की, बागलुङ र नवलपरासी पूर्वमा ५ सय भन्दा बढी सक्रिय सङ्क्रमित रहेका छन् भने स्याङजा, गोरखा, पर्वत र तनहुँमा २ सय भन्दा बढी सक्रिय सङ्क्रमित रहेका छन् । गण्डकी प्रदेशमा रहेका सक्रिय सङ्क्रमित मध्ये ५ हजार ५६ जना होम आइसोलेशन, ३ सय ३ जना संस्थागत आइसोलेशन, ७१ जना आइसियू र १० जना भेण्टीलेटरमा रहेका छन् । गत २४ घण्टामा कोभिड–१९ सङ्क्रमणले चार जनाको मृत्यु भएको छ । यो सगै प्रदेशमा कोभिड–१९ सङ्क्रमणले १ हजार १ सय ३ जनाको मृत्यु भएको छ । प्रदेशका विभिन्न स्थानिय तहमा यो साता खोप कार्यक्रम जारी रहयो । नेपाल सरकार स्वास्थ्य जनसङ्ख्या मन्त्रालयको तथ्याङ्क अनुसार साउन ११ गतेसम्म गण्डकी प्रदेश भरी १ लाख ८७ हजार ९ सय ७४ जनाले कोभिसिल्डको पहिलो मात्राको खोप लगाएका छन् भने ४९ हजार ६ सय ११ जनाले दोस्रो मात्राको खोप लगाएका छन् । त्यसैगरि भेरोसेल खोप अन्तरगत २ लाख ४२ हजार ७ सय ८३ जनाले पहिलो मात्राको खोप लगाएका छन् भने ३३ हजार ६ सय ८१ जनाले दोस्रो मात्राको खोप लगाएका छन् । त्यसैगरी जोन्सन एण्ड जोन्सन खोप कुल ८६ हजार ६ सय ३ जनाले लगाएका छन् । यो साता इन्सेक प्रदेश कार्यालयले खोप केन्द्रको अनुगमन गर्दा खोप केन्द्रमा अत्यधिक भीडका साथै अव्यवस्था देखिएको इन्सेक गण्डकी प्रदेश कार्यालयका प्रमुख शिवप्रसाद खकुरेलले बताउनु भयो ।

लुम्बिनी प्रदेश

लुम्बिनी प्रदेशमा यस साता ४ सय ६६ पुरुष र ४ सय १६ महिला गरेर ८ सय ८२ जनामा कोभिड सङ्क्रमण पुष्टि भएको छ । सबैभन्दा धेरै रुपन्देही जिल्लामा २ सय ९९ जना सङ्क्रमित थपिए । यो साता ५ सय भन्दा सक्रिय सङ्क्रमित रुपन्देहीमा रहेका छन् भने २ सयभन्दा बढी सक्रिय सङ्क्रमित पाल्पा, दाङ र बर्दिया जिल्लामा रहेको स्वास्थ्य तथा जनसङ्ख्या मन्त्रालयले जनाएको छ ।

अनलाइन डेस्क