समाचारहरू

स्वास्थ्य तथा जनसङ्ख्या मन्त्रालयका अनुसार यो एक साताको अवधिमा परीक्षण गरिएकामध्ये २४ प्रतिशतमा कोभिड सङ्क्रमण पुष्टि भएको छ । गत साता २३ प्रतिशतमा कोभिड सङ्क्रमण पुष्टि भएको थियो । यो साता प्रतिदिन सरदर २८ जनाको मृत्यु भएको तथ्याङ्कले देखाउँछ । अघिल्लो साता प्रतिदिन ४० जना सङ्क्रमितको मृत्यु भएको थियो । मन्त्रालयले एक सातामा ४६ हजार ३ सय ५४ ओटा स्वाब परीक्षण गरिएको जनाएको छ । यो साता ११ हजार १ सय ७९ जनामा कोभिड–१९ को सङ्क्रमण देखिएको मन्त्रालयले जनाएको छ । एक सातामा २४ हजार २ सय ४२ जना सङ्क्रमित निको भए भने १ सय ९७ जनाको मृत्यु भएको मन्त्रालयले जनायो ।

वैशाखको पहिलो साता परीक्षण गरिएकामध्ये १५ प्रतिशतमा कोभिड सङ्क्रमण पुष्टि भएको थियो । त्यसपछि प्रत्येक हप्ता उकालो लागेको सङ्क्रमणको प्रतिशत पछिल्लो तीन साता स्थिर छ । स्वास्थ्य तथा जनसङ्ख्या मन्त्रालयका अनुसार परीक्षण गरिएकामध्ये वैशाखको दोस्रो साता ३२ प्रतिशत, तेस्रो साता ३८ प्रतिशत र चौथो साता ४६ प्रतिशतमा सङ्क्रमण देखिएको थियो । जेठ महिनाको पिहलो साता ४३ प्रतिशत, दोस्रो साता ४० प्रतिशत, तेस्रो साता ३४ प्रतिशत र चौथो साता ३१ प्रतिशतमा कोभिड सङ्क्रमण पुष्टि भएको थियो । असारमा यो सङ्ख्यामा केही कमी आएको तथ्याङ्कले देखाउँछ । असार पहिलो साता २८ प्रतिशत, दोस्रो साता २४ प्रतिशत, तेस्रो साता २३ प्रतिशत र चौथो साता २४ प्रतिशतमा कोभिड पुष्टि भएको छ । हरेक सात दिनको फरकमा एकीकृत गरिएको तथ्याङ्कलाई यहाँ चार्टमा देखाइएको छ ।

प्रदेश १

स्वास्थ्य तथा जनसङ्ख्या मन्त्रालयका अनुसार ०७८ असार १५ गतेदेखि असार २१ गतेसम्मको अवधिमा झापामा ५ सय १२ जना पुरूष र ४ सय १४ जना महिला गरी ९ सय २६ जनामा कोभिड–१९ को सङ्क्रमण पुष्टि भएको छ । त्यसैगरी सुनसरीमा ४ सय ११ जना पुरूष र ३ सय ७७ जना महिला गरी ७ सय ८८ जना, मोरङमा ४ सय ५८ जना पुरूष र ३ सय ६८ जना महिला गरी ८ सय २६ जना, पाँचथरमा २० जना पुरूष र २५ जना महिला गरी ४५ जना, सङ्खुवासभामा १० जना पुरूष र ६ जना महिला गरी १६ जना, उदयपुरमा ४१ जना पुरूष र २० जना महिला गरी ६१ जना, भोजपुरमा ६ जना पुरूष र पाँच जना महिला गरी ११ जना, धनकुटामा २८ जना पुरूष र ३१ जना महिला गरी ५९ जना, इलाममा १६ जना पुरूष र २२ जना महिला गरी ३८ जना, खोटाङमा १३ जना पुरूष र चार जना महिला गरी १७ जना, ओखलढुङ्गामा पाँच जना पुरूष र दुई जना महिला गरी सात जना, सोलुखुम्बमा दई जना पुरूष, ताप्लेजुङमा ६४ जना पुरूष र पाँच जना महिला गरी ६९ जना र तेहृथुममा आठ जना पुरूष र पाँच जना महिला गरी १३ जनामा कोभिड–१९ को सङ्क्रमण पुष्टि भएको छ । प्रदेश १ मा रहेका कोशी कोभिड–१९ अस्पताल, प्रदेश जनस्वास्थ्य प्रयोगशाला, वीपी कोइराला स्वास्थ्य विज्ञान प्रतिष्ठान घोपा प्रयोगशाला, मेची अस्पताल प्रयोगशाला, कोटीहोम प्रयोगशाला, नोवेल अस्पताल प्रयोगशाला, विराट अस्पताल प्रयोगशाला र न्यूरो अस्पताल प्रयोगशालामा गरिएको कोभिड–१९ को परीक्षणमा प्रदेश १ मा एक साताको अवधिमा २ हजार ८ सय ७८ जनामा कोभिड–१९ को सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । 

बागमती प्रदेश

यस प्रदेशमा असार २१ गते कोभिड–१९ सङ्क्रमितको सङ्ख्या जम्मा ३ लाख ४६ हजार ४ सय ४३ जना पुगेको छ । अघिल्ला हप्ता ३ लाख २८ हजार ८ सय ६८ जना कोभिड–१९ का सङ्क्रमित रहेको थिए ।  यो हप्ता १७ हजार ५ सय ७५ जना बढीले कोभिड–१९ का सङ्क्रमित थप भएका हुन् । यस प्रदेशमा दुई हप्ता अखिदेखि सक्रिय सङ्क्रमितको सङ्ख्या घढ्न थालेको छ । यस प्रदेशका कूल सङ्क्रमितमध्ये ३ लाख ३३ हजार ८ सय ६२ जना उपचारपछि निको भइसकेका छन् भने विभिन्न अस्पतालका आइसोलेशन तथा होम आइसोलेशनमा ८ हजार ६ सय ९९ जना उपचाररत रहेका छन् । अघिल्लो हप्ता सक्रिय सङ्क्रमतिको सङ्ख्या ९ हजार १ सय १० जना रहेकोमा यो हप्ता ४ सय ११ जना कम भई ८ हजार ६ सय ९९ जनामा झरेको हो । यस प्रदेशमा असार २१ गतेसम्म मृत्यु हुनेको सङ्ख्या भने ३ हजार ८ सय ८२ जना पुगेको छ । यो अघिल्लो हप्ता भन्दा ५१ जनाले बढी हो । यस प्रदेशमा कोभिड–१९ बाट मृत्यु हुनेको दर १.१२ प्रतिशत रहेको छ । यस प्रदेशमा कोभिड–१९ सङ्क्रमण पुष्टि भएका मध्येमा अघिल्लो हप्ता ९६.३० प्रतिशतको हाराहारीमा निको हुनेको सङ्ख्या रहेकोमा असार २१ गते आइपुग्दा यो सङ्ख्या ९६.३७ प्रतिशत रहेको छ ।

गण्डकी प्रदेश

गण्डकी प्रदेशमा असार १५ गतेबाट असार २१ गतेसम्म थप १ हजार ७ सय १५ जनामा कोभिड–१९ सङ्क्रमण देखिएको छ । जसमध्ये ९ सय ३४ जना पुरुष र ७ सय ८१ जना महिला रहेका छन् । यो सगै प्रदेशमा कुल सङ्क्रमितको सङ्ख्या ५३ हजार २ सय ९२ रहेको छ । हाल कास्कीमा ५ सय भन्दा बढी सक्रिय सङ्क्रमित रहेका छन् भने बागलुङ, लमजुङ, तनहुँ र म्याग्दीमा २ सय भन्दा बढी सक्रिय सङ्क्रमित रहेका छन् । प्रदेश सरकार स्वास्थ्य तथा जनसङ्ख्या मन्त्रालय, स्वास्थ्य निर्देशनालय गण्डकी प्रदेशको असार २१ गतेको तथ्याङ्क अनुसार गण्डकी प्रदेशमा रहेका कुल ३ हजार १ सय १ सक्रिय सङ्क्रमित मध्ये २ हजार ८ सय ३७ जना होम आइसोलेशनमा रहेका छन् । गत २४ घण्टामा कोभिड–१९ सङ्क्रमणले ६ जनाको मृत्यु भएको छ । यो सगै प्रदेशमा कोभिड–१९ सङ्क्रमणले ९ सय ६७ जनाको मृत्यु भएको छ ।

अनलाइन डेस्क