समाचारहरू

स्वास्थ्य तथा जनसङ्ख्या मन्त्रालयका अनुसार यो एक साताको अवधिमा परीक्षण गरिएकामध्ये ३.४७ प्रतिशतमा कोभिड सङ्क्रमण पुष्टि भएको छ । यो साता प्रतिदिन सरदर तीन जनाको मृत्यु भएको तथ्याङ्कले देखाउँछ । एक सातामा ४९ हजार ९ सय ९४ ओटा स्वाब परीक्षण गरिएको मन्त्रालयले जनाएको छ । यो साता १ हजार ७ सय ३५ जनामा कोभिड–१९ को सङ्क्रमण देखिएको मन्त्रालयले जनाएको छ । एक सातामा २ हजार ३६ जना सङ्क्रमित निको भए भने २४ जनाको मृत्यु भएको मन्त्रालयले जनायो ।

प्रदेश १

स्वास्थ्य तथा जनसङ्ख्या मन्त्रालयका अनुसार मङ्सिर ६ गतेदेखि १३ गतेसम्मको अवधिमा झापामा ५४ जना पुरूष र ४३ जना महिला गरी ९७ जनामा कोभिड–१९ को सङ्क्रमण पुष्टि भएको छ । त्यसैगरी सुनसरीमा २९ जना पुरूष र २७ जना महिला गरी ५६ जना, मोरङमा ४७ जना पुरूष र ३३ जना महिला गरी ८० जना, उदयपुरमा चार जना पुरूष र चार जना महिला गरी आठ जना, भोजपुरमा दुई जना पुरूष र तीन जना महिला गरी पाँच जना, धनकुटामा चार जना पुरूष र चार जना महिला गरी आठ जना, इलाममा पाँच जना पुरूष र चार जना महिला गरी नौ जना, खोटाङमा एक जना पुरूष, ओखलढुङ्गामा दुई जना पुरूष, सोलुखुम्बमा एक जना पुरूष, पाँचथरमा चार जना  पुरूष र दुई जना महिला गरी ६ जना, ताप्लेजुङमा एक जना पुरूष र तेहृथुममा एक जना पुरूषमा कोभिड–१९ को सङ्क्रमण पुष्टि भएको छ । यो साता सङ्खुवासभामा कोभिड–१९ को सङ्क्रमण पुष्टि नभएको मन्त्रालयले जनाएको छ । प्रदेश १ मा रहेका कोशी कोभिड–१९ अस्पताल,प्रदेश जनस्वास्थ्य प्रयोगशाला, वीपी कोइराला स्वास्थ्य विज्ञान प्रतिष्ठान घोपा प्रयोगशाला, मेची अस्पताल प्रयोगशाला, कोटीहोम प्रयोगशाला, नोवेल अस्पताल प्रयोगशाला, विराट अस्पताल प्रयोगशाला र न्यूरो अस्पताल प्रयोगशालामा गरिएको कोभिड–१९ को परीक्षणमा प्रदेश १ मा एक साताको अवधिमा २ सय ७१ जनामा कोभिड–१९ को सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

गण्डकी प्रदेश

प्रदेश सरकार स्वास्थ्य तथा जनसङ्ख्या मन्त्रालय, स्वास्थ्य निर्देशनालय गण्डकी प्रदेशको मङ्सिर १३ गतेको तथ्याङ्क अनुसार प्रदेशमा कुल ८७ हजार ९ सय ७ जना कोभिड–१९ बाट सङ्क्रमित भएका छन् । हाल कास्की र नवलपरासी पूर्वमा २ सय भन्दा बढी सक्रिय सङ्क्रमित रहेका छन् भने मनाङमा सक्रिय सङ्क्रमितको सङ्ख्या शुन्य रहेको छ । गण्डकी प्रदेशमा रहेका सक्रिय सङ्क्रमित मध्ये १ हजार १ सय ५ जना होम आइसोलेशन, ४७ जना संस्थागत आइसोलेशन र आठ जना आइसियू र एक जना भेण्टिलेटरमा रहेका छन् । गत २४ घण्टामा प्रदेशमा कोभिड–१९ को सङ्क्रमणबाट एक जनाको मृत्यु भएको छ । योसगै प्रदेशमा कोभिड–१९ को सङ्क्रमणबाट कुल १ हजार ४ सय १७ जनाको मृत्यु भएको छ । प्रदेश सरकार स्वास्थ्य जनसङ्ख्या मन्त्रालयको तथ्याङ्क अनुसार मङ्सिर १३ गतेसम्म गण्डकी प्रदेशमा कोभिड–१९ विरुद्ध ७ लाख ५२ हजार ७ सय ४० जनाले पूर्ण खोप लगाएका छन् भने ११ लाख ७९ हजार ४ सय ४ जनाले खोपको पहिलो मात्रा लगाएका छन् ।

सुदूरपश्चिम प्रदेश

सुदूरपश्चिम प्रदेश समाजिक विकास मन्त्रालय स्वास्थ्य निर्देशनालय राजपुर, डोटीका अनुसार सुदूरपश्चिम प्रदेशमा २०७८ मङ्सिर ७ गतेदेखि २०७८ मङ्सिर १३ गतेसम्म ५० जनामा सङ्क्रमण पुष्टि भएको छ । मङ्सिर १३ गते मात्रै सुदूरपश्चिमका बाजुरामा एक, कैलालीमा चार, कञ्चनपुरमा दुई र अन्य अस्पतालमा दुई जना गरी नौ जनामा सङ्क्रमण पुष्टि भएको छ । यस साता कोभिड सङ्क्रमितबाट एक जनाको मुत्यु भएको भएसँगै यस प्रदेशमा मृत्यु हुनेको सङ्ख्या ६ सय ९ जना रहेको सुदूरपश्चिम प्रदेश समाजिक विकास मन्त्रालय स्वास्थ्य निर्देशनालय राजपुर, डोटीले जनाएको छ । मङ्सिर १३ गतेसम्म दुई जना महिलासहित ६ जना आइसोलेशनमा रहेका छन् । अधिल्लो २४ घण्टामा भेन्टीलेटरमा दुई जना र आइसियुमा ६ जना गरी आठ जना बिरामीहरुको उपचार भइरहेको मन्त्रालयले जनाएको छ । हालसम्म ४ लाख ७ हजार २ सय ७ जनाको कोभिड परीक्षण भएकोमा ४८ हजार २२ जनामा सङ्क्रमण पुष्टि भइसकेको छ । स्वास्थ्य तथा जनसङ्ख्या मन्त्रालयका अनुसार सुदूरपश्चिम प्रदेशमा कोभिशिल्ड पहिलो खोप पाउनेको सङ्ख्या ३ लाख ४ हजार ९ सय १८ जना रहेकोमा कोभिशिल्ड दोस्रो खोप १ लाख ८९ हजार ८ सय २३ जनाले मात्रै पाएका छन् । यसैगरी भेरोसेल पहिलो खोप पाउनेको सङ्ख्या ५ लाख ११ हजार ४८ जना रहेकोमा भेरोसेल दोस्रो खोप ३ लाख ९४ हजार ३ सय ६ जनाले मात्रै पाएका छन् । जोन्सन एण्ड जोन्सन कम्पनीको खोप १ लाख ३९ हजार ९ सय ७९  जनालाई लगाइएको छ ।

अनलाइन डेस्क