समाचारहरू

स्वास्थ्य तथा जनसङ्ख्या मन्त्रालयका अनुसार यो एक साताको अवधिमा परीक्षण गरिएकामध्ये ४ प्रतिशतमा कोभिड सङ्क्रमण पुष्टि भएको छ । यो साता प्रतिदिन सरदर चार जनाको मृत्यु भएको तथ्याङ्कले देखाउँछ । एक सातामा ५९ हजार ८ सय ५५ ओटा स्वाब परीक्षण गरिएको मन्त्रालयले जनाएको छ । यो साता २ हजार ४ सय ४ जनामा कोभिड–१९ को सङ्क्रमण देखिएको मन्त्रालयले जनाएको छ । एक सातामा २ हजार ७ सय ७२ जना सङ्क्रमित निको भए भने २५ जनाको मृत्यु भएको मन्त्रालयले जनायो ।

प्रदेश १

स्वास्थ्य तथा जनसङ्ख्या मन्त्रालयका अनुसार ०७८ कात्तिक २२ गतेदेखि २९ गतेसम्मको अवधिमा झापामा ७४ जना पुरूष र ४८ जना महिला गरी १ सय २२ जनामा कोभिड–१९ को सङ्क्रमण पुष्टि भएको छ । त्यसैगरी सुनसरीमा ४३ जना पुरूष र ३६ जना महिला गरी ७९ जना, मोरङमा ९१ जना पुरूष र ८७ जना महिला गरी १ सय ७८ जना, सङ्खुवासभामा दुई जना पुरूष र एक जना महिला गरी तीन जना, उदयपुरमा पाँच जना पुरूष र एक जना महिला गरी ६ जना, भोजपुरमा एक जना पुरूष र एक जना महिला गरी दुई जना, धनकुटामा तीन जना पुरूष र दुई जना महिला गरी पाँच जना, इलाममा पाँच जना पुरूष र ५ जना महिला गरी १० जना, खोटाङमा दुई जना पुरूष र एक जना महिला गरी तीन जना, ओखलढुङ्गामा एक जना पुरूष र एक जना महिला गरी दुई जना,सोलुखुम्बमा एक जना पुरूष र एक जना महिला गरी दुई जना, पाँचथरमा पाँच जना पुरूष, र तेहृथुममा एक जना पुरूषमा कोभिड–१९ को सङ्क्रमण पुष्टि भएको छ । यो साता ताप्लेजुङमा कोभिड–१९ को सङ्क्रमण पुष्टि नभएको मन्त्रालयले जनाएको छ । प्रदेश १ मा रहेका कोशी कोभिड–१९ अस्पताल,प्रदेश जनस्वास्थ्य प्रयोगशाला, वीपी कोइराला स्वास्थ्य विज्ञान प्रतिष्ठान घोपा प्रयोगशाला, मेची अस्पताल प्रयोगशाला, कोटीहोम प्रयोगशाला, नोवेल अस्पताल प्रयोगशाला, विराट अस्पताल प्रयोगशाला र न्यूरो अस्पताल प्रयोगशालामा गरिएको कोभिड–१९ को परीक्षणमा प्रदेश १ मा एक साताको अवधिमा ४ सय १८ जनामा कोभिड–१९ को सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

गण्डकी प्रदेश

प्रदेश सरकार स्वास्थ्य तथा जनसङ्ख्या मन्त्रालय, स्वास्थ्य निर्देशनालय गण्डकी प्रदेशको कात्तिक २९ गतेको तथ्याङ्क अनुसार प्रदेशमा कुल ८७ हजार ६ सय ७१ जना कोभिड–१९ बाट सङ्क्रमित भएका छन् । हाल कास्की र नवलपरासी पूर्वमा २ सयभन्दा बढी सक्रिय सङ्क्रमित रहेका छन् भने मनाङमा सक्रिय सङ्क्रमितको सङ्ख्या शुन्य रहेको छ । गण्डकी प्रदेशमा रहेका सक्रिय सङ्क्रमितमध्ये १ हजार १ सय ९३ जना होम आइसोलेशन, ५८ जना संस्थागत आइसोलेशन र ५९ जना आइसीयू र १२ जना भेण्टिलेटरमा रहेका छन् । गण्डकी प्रदेशमा कोभिड–१९ को सङ्क्रमणबाट १ हजार ४ सय ३ जनाको मृत्यु भएको छ । प्रदेश सरकार स्वास्थ्य जनसङ्ख्या मन्त्रालयको तथ्याङ्क अनुसार कात्तिक २९ गतेसम्म गण्डकी प्रदेशमा कोभिड–१९ विरुद्ध ७ लाख २९ हजार ९९ जनाले पूर्ण खोप लगाएका छन् भने १० लाख ४६ हजार ९ सय ८६ जनाले खोपको पहिलो मात्रा लगाएका छन् ।

कर्णाली प्रदेश

कर्णाली प्रदेशमा १ लाख ७९ हजार ८ सय ८० जनाले कोभिड –१९ परीक्षण गरेकोमा हालसम्म ३३ हजार ८ सय ८५ जनामा कोभिड–१९ सङ्क्रमण पुष्टि भएको छ । कर्णाली प्रदेश स्वास्थ्य निर्देशनालयका अनुसार हालसम्म ३२ हजार एक सय १४ जना कोभिड मुक्त भएका छन् ।  हाल आइसोलेशनमा ३२ जना रहेका छन् भने मृत्यु हुनेको सङ्ख्या ३ सय ८६ रहेको छ । यो साता ३३ जना नयाँ सङ्क्रमित थपिएका छन् । सातामा कोभिडबाट एकजनाको मृत्यु भएको निर्देशनालयले जनाएको छ । पछिल्लो २४ घण्टामा १८ जनाले परीक्षण गरेकोमा ४ जना सङ्क्रमित भेटिएका छन् ।

सुदूरपश्चिम प्रदेश

सुदूरपश्चिम प्रदेश समाजिक विकास मन्त्रालय स्वास्थ्य निर्देशनालय राजपुर, डोटीका अनुसार सुदूरपश्चिम प्रदेशमा २०७८ कात्तिक २३ गतेदेखि २०७८ कात्तिक २९ गतेसम्म ८२ जनामा सङ्क्रमण पुष्टि भएको छ । कात्तिक २९ गते मात्रै सुदूरपश्चिमका डडेल्धुरामा एक, कैलालीमा १७ र कञ्चनपुरमा एक जना गरी  १९ जनामा सङ्क्रमण पुष्टि भएको छ । यस साता कोभिड सङ्क्रमितबाट तीन जनाको मुत्यु भएसँगै यस प्रदेशमा मृत्यु हुनेको सङ्ख्या ६ सय ८ जना रहेको सुदूरपश्चिम प्रदेश समाजिक विकास मन्त्रालय स्वास्थ्य निर्देशनालय राजपुर, डोटीले जनाएको छ । कात्तिक २९ गतेसम्म एक जना महिलासहित १० जना आइसोलेशनमा रहेका छन् । अघिल्लो २४ घण्टामा आइसीयूमा तीन, भेन्टीलेटरमा एक र कोभिड वार्डमा एक जना बिरामीको उपचार भइरहेको मन्त्रालयले जनाएको छ । हालसम्म ३ लाख ९७ हजार ९ सय ७८ जनाको कोभिड परीक्षण भएकोमा ४७ हजार ९ सय १६ जनामा सङ्क्रमण पुष्टि भइसकेको छ । स्वास्थ्य तथा जनसङ्ख्या मन्त्रालयका अनुसार सुदूरपश्चिम प्रदेशमा कोभिशिल्ड पहिलो खोप पाउनेको सङ्ख्या २ लाख ८० हजार ६४ जना रहेकोमा कोभिशिल्ड दोस्रो खोप १ लाख ८६ हजार ९३ जनाले मात्रै पाएका छन् । यसैगरी भेरोसेल पहिलो खोप पाउनेको सङ्ख्या ५ लाख ११ हजार ४८ जना रहेकोमा भेरोसेल दोस्रो खोप ३ लाख ७१ हजार ४ सय ६३ जनाले मात्रै पाएका छन् । जोन्सन एण्ड जोन्सन कम्पनीको खोप १ लाख ३९ हजार ९ सय ७९  जनालाई लगाइएको छ । अघिल्लो २४ घण्टामा कोभिशिल्ड महिलो खोप २४ हजार ८ सय ५४ जनाले पाएका छन् भने दोस्रो खोप ३ हजार ७ सय ३० जनाले पाएकोमा भेरोसेल दोस्रो खोप २२ हजार ८ सय ४३ जनाले पाएको मन्त्रालयले जनाएको छ ।

अनलाइन डेस्क