समाचारहरू

स्वास्थ्य तथा जनसङ्ख्या मन्त्रालयका अनुसार यो एक साताको अवधिमा परीक्षण गरिएकामध्ये ६.३७ प्रतिशतमा कोभिड सङ्क्रमण पुष्टि भएको छ । यो साता प्रतिदिन सरदर पाँच जनाको मृत्यु भएको तथ्याङ्कले देखाउँछ । एक सातामा २५ हजार ९ सय ७८ ओटा स्वाब परीक्षण गरिएको मन्त्रालयले जनाएको छ । यो साता १ हजार ९ सय १८ जनामा कोभिड–१९ को सङ्क्रमण देखिएको मन्त्रालयले जनाएको छ । एक सातामा ३ हजार ५ सय ४२ जना सङ्क्रमित निको भए भने ३७ जनाको मृत्यु भएको मन्त्रालयले जनायो ।

प्रदेश १

स्वास्थ्य तथा जनसङ्ख्या मन्त्रालयका अनुसार ०७८ कात्तिक १६ गतेदेखि २२ गतेसम्मको अवधिमा झापामा ६० जना पुरूष र ३९ जना महिला गरी ९९ जनामा कोभिड–१९ को सङ्क्रमण पुष्टि भएको छ । त्यसैगरी सुनसरीमा ३९ जना पुरूष र २८ जना महिला गरी ६७ जना, मोरङमा ५२ जना पुरूष र ४६ जना महिला गरी ९८ जना, सङ्खुवासभामा चार जना पुरूष र एक जना महिला गरी पाँच जना, उदयपुरमा तीन जना पुरूष र तीन जना महिला गरी ६ जना, धनकुटामा दुई जना महिला, इलाममा तीन जना महिला, खोटाङमा दुई जना पुरूष र दुई जना महिला गरी चार जना, ओखलढुङ्गामा दुई जना पुरूष र एक जना महिला गरी तीन जना, पाँचथरमा एक जना पुरूष र एक जना महिला गरी दुई जना र तेहृथुममा एक जना महिलामा कोभिड–१९ को सङ्क्रमण पुष्टि भएको छ । यो साता भोजपुर, सोलुखुम्बु र ताप्लेजुङमा कोभिड–१९ सङ्क्रमित फेला नपरेको स्वास्थ्य मन्त्रालयले जनाएको छ । प्रदेश १ मा रहेका कोशी कोभिड–१९ अस्पताल,प्रदेश जनस्वास्थ्य प्रयोगशाला, वीपी कोइराला स्वास्थ्य विज्ञान प्रतिष्ठान घोपा प्रयोगशाला, मेची अस्पताल प्रयोगशाला, कोटीहोम प्रयोगशाला, नोवेल अस्पताल प्रयोगशाला, विराट अस्पताल प्रयोगशाला र न्यूरो अस्पताल प्रयोगशालामा गरिएको कोभिड–१९ को परीक्षणमा प्रदेश १ मा एक साताको अवधिमा २ सय ९० जनामा कोभिड–१९ को सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

गण्डकी प्रदेश

प्रदेश सरकार स्वास्थ्य तथा जनसङ्ख्या मन्त्रालय, स्वास्थ्य निर्देशनालय गण्डकी प्रदेशको कात्तिक १५ गतेको तथ्याङ्क अनुसार प्रदेशमा कुल ८७ हजार ५ सय २ जना कोभिड–१९ बाट सङ्क्रमित भएका छन् । हाल कास्की र नवलपरासी पूर्वमा २ सय भन्दा बढी सक्रिय सङ्क्रमित रहेका छन् । गण्डकी प्रदेशमा रहेका सक्रिय सङ्क्रमित मध्ये १ हजार २ सय ३८ जना होम आइसोलेशन, ७३ जना संस्थागत आइसोलेशन र २५ जना आइसियू र दुई जना भेण्टिलेटरमा रहेका छन् । गत २४ घण्टामा प्रदेशमा कोभिड–१९ को सङ्क्रमणबाट एक जनाको मृत्यु भएको छ । योसगै प्रदेशमा कोभिड–१९ को सङ्क्रमणबाट कुल १ हजार ३ सय ९८ जनाको मृत्यु भएको छ । प्रदेश सरकार स्वास्थ्य जनसङ्ख्या मन्त्रालयको तथ्याङ्क अनुसार कात्तिक २२ गतेसम्म गण्डकी प्रदेशमा कोभिड–१९ विरुद्ध ६ लाख २८ हजार ९ सय ६७ जनाले पूर्ण खोप लगाएका छन् भने ९ लाख २० हजार २ सय ११ जनाले खोपको पहिलो मात्रा लगाएका छन् ।

कर्णाली प्रदेश

कर्णाली प्रदेशमा १ लाख ७९ हजार ६ सय पाँच जनाले कोभिड–१९ परीक्षण गरेकोमा हालसम्म ३३ हजार ८ सय ५२ जनामा कोभिड–१९ सङ्क्रमण पुष्टि भएको छ । कर्णाली प्रदेश स्वास्थ्य निर्देशनालयका अनुसार हालसम्म ३२ हजार ४२ जना कोभिडलाई जितेर घर फर्किएका छन् । हाल आइसोलेशनमा ५८ जना रहेका छन् भने मृत्यु हुनेको सङ्ख्या ३ सय ८५ रहेको छ । यो साता ११ जना नयाँ सङ्क्रमित थपिएका छन् । यो साता कोभिडबाट एकजनाको मृत्यु नभएको निर्देशनालयको जनाएको छ ।

सुदूरपश्चिम प्रदेश

सुदूरपश्चिम प्रदेश समाजिक विकास मन्त्रालय स्वास्थ्य निर्देशनालय राजपुर, डोटीका अनुसार सुदूरपश्चिम प्रदेशमा २०७८ कात्तिक १६ गतेदेखि २०७८ कात्तिक २२ गतेसम्म ७९ जनामा सङ्क्रमण पुष्टि भएको छ । कात्तिक २२ गते मात्रै सुदूरपश्चिमका बझाङमा एक, डोटीमा एक, कैलालीमा १०, कञ्चनपुरमा नौ र अन्य जिल्लामा नौ जना गरी  ३० जनामा सङ्क्रमण पुष्टि भएको छ । यस साता कोभिड सङ्क्रमितको मुत्यु नभएको भएपनि हालसम्म यस प्रदेशमा मृत्यु हुनेको सङ्ख्या ६ सय ५ जना रहेको सुदूरपश्चिम प्रदेश समाजिक विकास मन्त्रालय स्वास्थ्य निर्देशनालय राजपुर, डोटीले जनाएकोे छ । कात्तिक २२ गतेसम्म एक जना महिलासहित सात जना आइसोलेशनमा रहेका छन् । अघिल्लो २४ घण्टामा ३० जना अस्पतालबाट डिस्चार्ज भएका छन् । अधिल्लो २४ घण्टामा आइसियुमा एक र कोभिड वर्डमा एक तीन जना बिरामीहरुको उपचार भइरहेको मन्त्रालयले जनाएको छ । हालसम्म ३ लाख ९१ हजार ६२ जनाको कोभिड परीक्षण भएकोमा ४७ हजार ८ सय ३४ जनामा सङ्क्रमण पुष्टि भइसकेको छ । स्वास्थ्य तथा जनसङ्ख्या मन्त्रालयका अनुसार सुदूरपश्चिम प्रदेशमा कोभिशिल्ड पहिलो खोप पाउनेको सङ्ख्या २ लाख ७६ हजार ५ सय ४४ जना रहेकोमा कोभिशिल्ड दोस्रो खोप १ लाख ८० हजार १ सय २३ जनाले मात्रै पाएका छन् । यसैगरी भेरोसेल पहिलो खोप पाउनेको सङ्ख्या ४ लाख ८७ हजार २७ जना रहेकोमा भेरोसेल दोस्रो खोप ३ लाख ३० हजार ४ सय ५२ जनाले मात्रै पाएका छन् । जोन्सन एण्ड जोन्सन कम्पनीको खोप १ लाख ३९ हजार ९ सय ७४  जनालाई लगाइएको छ । अघिल्लो २४ घण्टामा भेरोसेल दोस्रो खोप १ हजार ९ सय १७ जनाले पाएको मन्त्रालयले जनाएको छ ।

अनलाइन डेस्क