समाचारहरू

स्वास्थ्य तथा जनसङ्ख्या मन्त्रालयका अनुसार यो एक साताको अवधिमा परीक्षण गरिएकामध्ये ८.६२ प्रतिशतमा कोभिड सङ्क्रमण पुष्टि भएको छ । यो साता प्रतिदिन सरदर १० जनाको मृत्यु भएको तथ्याङ्कले देखाउँछ । मन्त्रालयले एक सातामा ४८ हजार ३ सय १८ ओटा स्वाब परीक्षण गरिएको जनाएको छ । यो साता ४ हजार १ सय ६९ जनामा कोभिड–१९ को सङ्क्रमण देखिएको मन्त्रालयले जनाएको छ । एक सातामा ५ हजार ६ सय १५ जना सङ्क्रमित निको भए भने ६८ जनाको मृत्यु भएको मन्त्रालयले जनायो ।

प्रदेश १

स्वास्थ्य तथा जनसङ्ख्या मन्त्रालयका अनुसार कात्तिक १ गतेदेखि कात्तिक ८ गतेसम्मको अवधिमा झापामा १ सय ३१ जना पुरूष र १ सय २९ जना महिला गरी २ सय ६० जनामा कोभिड–१९ को सङ्क्रमण पुष्टि भएको छ । त्यसैगरी सुनसरीमा ४८ जना पुरूष र ५७ जना महिला गरी १ सय ५ जना, मोरङमा १ सय ६८ जना पुरूष र १ सय २९ जना महिला गरी २ सय ९७ जना, सङ्खुवासभामा दुई जना पुरूष र एक जना महिला गरी तीन जना, उदयपुरमा सात जना पुरूष र पाँच जना महिला गरी १२ जना, भोजपुरमा दुई जना पुरूष, धनकुटामा एक जना पुरूष, इलाममा सात जना पुरूष र ६ जना महिला गरी १३ जना, खोटाङमा तीन जना पुरूष र दुई जना महिला गरी पाँच जना, ओखलढुङ्गामा सात जना पुरूष र पाँच जना महिला गरी १२ जना, सोलुखुम्बमा तीन जना पुरूष र एक जना महिला गरी चार जना, ताप्लेजुङमा तीन जना पुरूष एक जना महिला गरी चार जना र पाँचथरमा तीन जना पुरूष र एक जना महिला गरी चार जनामा कोभिड–१९ को सङ्क्रमण पुष्टि भएको छ । प्रदेश १ मा रहेका कोशी कोभिड–१९ अस्पताल,प्रदेश जनस्वास्थ्य प्रयोगशाला, वीपी कोइराला स्वास्थ्य विज्ञान प्रतिष्ठान घोपा प्रयोगशाला, मेची अस्पताल प्रयोगशाला, कोटीहोम प्रयोगशाला, नोवेल अस्पताल प्रयोगशाला, विराट अस्पताल प्रयोगशाला र न्यूरो अस्पताल प्रयोगशालामा गरिएको कोभिड–१९ को परीक्षणमा प्रदेश १ मा एक साताको अवधिमा ७ सय २७ जनामा कोभिड–१९ को सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

बागमती प्रदेश

यस प्रदेशमा कात्तिक ८ गते कोभिड–१९ सङ्क्रमितको सङ्ख्या जम्मा ४ लाख ४४ हजार ६ सय १३ जना पुगेको छ । अघिल्ला हप्ता ४ लाख ४२ हजार ५ सय ७१ जना कोभिड–१९ का सङ्क्रमित रहेका थिए ।  यो हप्ता २ हजार ४२ जना बढीले कोभिड–१९ का सङ्क्रमित थप भएका हुन् । यस प्रदेशका कूल सङ्क्रमितमध्ये ४ लाख ४३ हजार ५ सय ९० जना उपचारपछि निको भइसकेका छन् भने विभिन्न अस्पतालका आइसोलेशन तथा होम आइसोलेशनमा ७  हजार ५ चार सय २ जना उपचाररत रहेका छन् । अघिल्लो हप्ता सक्रिय सङ्क्रमतिको सङ्ख्या ७ हजार ७  सय १६ जना रहेकोमा यो हप्ता २ सय १४ जना कम गई ७ हजार ५ सय २ जनामा झरेको हो ।

यस प्रदेशमा कात्तिक ८ गतेसम्म मृत्यु हुनेको सङ्ख्या भने ४ हजार ५ सय २१ जना पुगेको छ । यो अघिल्लो हप्ता भन्दा १९ जनाले बढी हो । यस प्रदेशमा कोभिड–१९ बाट मृत्यु हुनेको दर १.०२ प्रतिशत रहेको छ । यस प्रदेशमा कोभिड–१९ सङ्क्रमण पुष्टि भएका मध्येमा अघिल्लो हप्ता ९७.२४ प्रतिशतको हाराहारीमा निको हुनेको सङ्ख्या रहेकोमा कात्तिक ८ गते आइपुग्दा यो सङ्ख्या ९७.३० प्रतिशत रहेको छ । यस प्रदेशमा कात्तिक ८ गतेसम्म कोभिड–१९ विरुद्ध दुवै मात्राको खोप लगाएकाको सङ्ख्या २४ लाख ५ हजार ५ सय अर्थात ५६ प्रतिशतले लगाइसकेका छन् । यसैगरी कुनै एक मात्र खोप लगाउनेको सङ्ख्या ८ लाख ४ हजार ८ सय ११ जना अर्थात १९ प्रतिशतले प्राप्त गरिसकेका छन् । कुनै पनि खोप नलगाएका १८ वर्षमाथिकाको सङ्ख्या १० लाख ७२ हजार ९ सय ३३ जना अर्थात २५ प्रतिशत रहेको छ ।

गण्डकी प्रदेश

प्रदेश सरकार स्वास्थ्य तथा जनसङ्ख्या मन्त्रालय, स्वास्थ्य निर्देशनालय गण्डकी प्रदेशको कात्तिक ८ गतेको तथ्याङ्क अनुसार प्रदेशमा कुल ८७ हजार ७ जना कोभिड–१९ बाट सङ्क्रमित भएका छन् । हाल कास्कीमा ५ सयभन्दा बढी सक्रिय सङ्क्रमित रहेका छन् भने नवलपरासी पूर्वमा २ सयभन्दा बढी सक्रिय सङ्क्रमित रहेका छन् । गण्डकी प्रदेशमा रहेका सक्रिय सङ्क्रमितमध्ये १ हजार ५ सय ८१ जना होम आइसोलेशन, ६२ जना संस्थागत आइसोलेशन र २१ जना आइसियूमा रहेका छन् । गत २४ घण्टामा प्रदेशमा कोभिड–१९ को सङ्क्रमणबाट एक जनाको मृत्यु भएको छ । योसँगै प्रदेशमा कोभिड–१९ को सङ्क्रमणबाट १ हजार ३ सय ९० जनाको मृत्यु भएको छ । प्रदेश सरकार स्वास्थ्य तथा जनसङ्ख्या मन्त्रालयको तथ्याङ्क अनुसार कात्तिक ८ गतेसम्म गण्डकी प्रदेशमा कोभिड–१९ विरुद्ध ६ लाख २२ हजार ९ सय ६७ जनाले पूर्ण खोप लगाएका छन् भने ९ लाख १० हजार ४ सय १५ जनाले खोपको पहिलो मात्रा लगाएका छन् ।

लुम्बिनी प्रदेश

लुम्बिनी प्रदेशमा यस साता  ४ सय ८३ जना  कोभिड सङ्क्रमित भए । जसमध्ये २ सय ४३ जना पुरुष र २ सय ४० जना महिला रहेका छन् । यो साता रुपन्देहीमा सबै भन्दा बढी २ सय ७९ रहेका छन् भने रोल्पामा सङ्क्रमितको सङ्ख्या शुन्य रहेको छ । यसैगरी, अर्घाखाँचीमा २१, बाँकेमा ३१, बर्दियामा १६, दाङमा ३८, गुल्मीमा २१, कपिलवस्तुमा २१, पाल्पामा २७, प्यूठानमा ११, रुकुम पुर्वमा एक, नवलपरासी पश्चिममा १७ जना सङ्क्रमित रहेका छन् । लुम्बिनी प्रदेशमा २ सय भन्दा बढी सक्रिय सङ्क्रमित रुपन्देही र बाँकेमा  रहेका छन् । होम आइसोलेशनमा १ हजार ३ सय ९७, संस्थागत आइसोलेशनमा १ सय ५३, आइसियुमा ३७, भेण्टीलेटरमा चार जना सङ्क्रमितको उपचार भइरहेको छ । स्वास्थ्य तथा जनसङ्ख्या मन्त्रालयका अनुसार लुम्बिनी प्रदेशमा १ हजार ७ सय ९६ जनाको कोभिडबाट मृत्यु भइसकेको छ ।

कर्णाली प्रदेश

कर्णाली प्रदेशमा ३३ हजार ८ सय ३ जनामा कोभिड–१९ सङ्क्रमण पुष्टि भएको छ । कर्णाली प्रदेश स्वास्थ्य निर्देशनालयका अनुसार हालसम्म ३१ हजार ९ सय ८७ जना सङ्क्रमण मुक्त भएका छन् । हाल आइसोलेशनमा ४६ जना रहेका छन् भने मृत्यु हुनेको सङ्ख्या ३ सय ८४ पुगेको छ । यो साता २९ जना नयाँ सङ्क्रमित थपिएका छन् ।

सुदूरपश्चिम प्रदेश

सुदूरपश्चिम प्रदेश समाजिक विकास मन्त्रालय स्वास्थ्य निर्देशनालय राजपुर, डोटीका अनुसार सुदूरपश्चिम प्रदेशमा २०७८ कात्तिक २ गतेदेखि २०७८ कात्तिक ८ गतेसम्म १ सय २५ जनामा सङ्क्रमण पुष्टि भएको छ । यो साता दुई जना कोभिड सङ्क्रमितको मुत्यु भएसँगै यस प्रदेशमा मृत्यु हुनेको सङ्ख्या ६ सय २ जना पुगेको सुदूरपश्चिम प्रदेश समाजिक विकास मन्त्रालय स्वास्थ्य निर्देशनालय राजपुर, डोटीले जनाएको छ । कात्तिक ८ गतेसम्म दुई जना महिलासहित १८ जना आइसोलेशनमा रहेका छन् । अघिल्लो २४ घण्टासम्म आइसियुमा सात जाना, भेन्टीलेटरमा तीन जना र कोभिड वर्डमा दुई जनाको उपचार भइरहेको मन्त्रालयले जनाएको छ । हालसम्म ३ लाख ७९ हजार ३ जनाको कोभिड परीक्षण भएकोमा ४७ हजार ६ सय १५ जनामा सङ्क्रमण पुष्टि भइसकेको छ । स्वास्थ्य तथा जनसङ्ख्या मन्त्रालयका अनुसार सुदूरपश्चिम प्रदेशमा कोभिशिल्ड पहिलो खोप पाउनेको सङ्ख्या २ लाख ७६ हजार ५ सय ४० जना रहेकोमा कोभिशिल्ड दोस्रो खोप १ लाख ६६ हजार ३ सय ७० जनाले मात्रै पाएका छन् । यसैगरी भेरोसेल पहिलो खोप पाउनेको सङ्ख्या ४ लाख ८१ हजार ८ सय ८७ जना रहेकोमा भेरोसेल दोस्रो खोप २ लाख २४ हजार ८ सय ८५ जनाले मात्रै पाएका छन् । जोन्सन एण्ड जोन्सन कम्पनीको खोप १ लाख ३९ हजार ९ सय ७९  जनालाई लगाइएको छ । अघिल्लो २४ घण्टामा कोभिशिल्ड पहिलो खोप २ हजार ८ सय ९९ जनाले र दास्रो खोप १ हजार ६ सय ३८ जनाले, भेरोसेल पहिलो खोप ११ हजार ५ सय ६२ जनाले र दोस्रो खोप ३६ हजार ८ सय ९२ जनाले र जोन्सन एण्ड जोन्सन कम्पनीको खोप ४ हजार ६ सय १९ जनाले पाएको मन्त्रालयले जनाएको छ ।

अनलाइन डेस्क