समाचारहरू

स्वास्थ्य तथा जनसङ्ख्या मन्त्रालयका अनुसार यो एक साताको अवधिमा परीक्षण गरिएकामध्ये ७.८१ प्रतिशतमा कोभिड सङ्क्रमण पुष्टि भएको छ । यो साता प्रतिदिन सरदर १० जनाको मृत्यु भएको तथ्याङ्कले देखाउँछ । मन्त्रालयले एक सातामा ६२ हजार १ सय १५ ओटा स्वाब परीक्षण गरिएको जनाएको छ । यो साता ४ हजार ८ सय ५७ जनामा कोभिड–१९ को सङ्क्रमण देखिएको मन्त्रालयले जनाएको छ । एक सातामा ६ हजार ६ सय ७ जना सङ्क्रमित निको भए भने ६९ जनाको मृत्यु भएको मन्त्रालयले जनायो ।

गण्डकी प्रदेश

प्रदेश सरकार स्वास्थ्य तथा जनसङ्ख्या मन्त्रालय, स्वास्थ्य निर्देशनालय गण्डकी प्रदेशको असोज २५ गतेको तथ्याङ्क अनुसार प्रदेशमा कुल ८६ हजार ५ सय १४ जना कोभिड–१९ बाट सङ्क्रमित भएका छन् । हाल कास्कीमा ५ सय भन्दा बढी सक्रिय सङ्क्रमित रहेका छन् भने नवलपरासी पूर्व, तनहुँ, बागलुङ र स्याङजामा २ सय भन्दा बढी सक्रिय सङ्क्रमित रहेका छन् । गण्डकी प्रदेशमा रहेका सक्रिय सङ्क्रमित मध्ये २ हजार ४ सय ५३ जना होम आइसोलेशन, १ सय ५५ जना संस्थागत आइसोलेशन, ३३ जना आइसियू र दुई जना भेण्टीलेटरमा रहेका छन् । गत २४ घण्टामा प्रदेशमा कोभिड–१९ को सङ्क्रमणबाट पाँच जनाको मृत्यु भएको छ । योसँगै प्रदेशमा कोभिड–१९ को सङ्क्रमणबाट कुल १ हजार ३ सय ७८ जनाको मृत्यु भएको छ । प्रदेश सरकार स्वास्थ्य जनसङ्ख्या मन्त्रालयको तथ्याङ्क अनुसार असोज १८ गतेसम्म गण्डकी प्रदेशमा कोभिड–१९ विरुद्ध ६ लाख ८ हजार ८ सय २९ जनाले पूर्ण खोप लगाएका छन् भने ७ लाख ८८ हजार ६ सय ४५ जनाले खोपको पहिलो मात्रा लगाएका छन् ।

अनलाइन डेस्क