कोभिड-१९: यो साता परीक्षण गरिएकामध्ये ६ प्रतिशतमा सङ्क्रमण

स्वास्थ्य तथा जनसङ्ख्या मन्त्रालयका अनुसार यो एक साताको अवधिमा परीक्षण गरिएकामध्ये दुई प्रतिशतमा कोभिड सङ्क्रमण पुष्टि भएको छ । यो साता १२ जना केभिड सङ्क्रमितको मृत्यु भएको तथ्याङ्कले देखाउँछ । एक सातामा ३३ हजार १ सय ६७ ओटा स्वाब परीक्षण गरिएको मन्त्रालयले जनाएको छ । यो साता ६ सय ३५ जनामा कोभिड–१९ को सङ्क्रमण देखिएको मन्त्रालयले जनाएको छ । एक सातामा २ हजार ६ सय ९४ जना सङ्क्रमित निको भए ।

coviddata20220308weekly

प्रदेश १
स्वास्थ्य तथा जनसङ्ख्या मन्त्रालयका अनुसार ०७८ फागुन १७ गतेदेखि फागुन २४ गतेसम्मको अवधिमा झापामा तीन जना पुरूष र १७ जना महिला गरी २० जनामा कोभिड–१९ को सङ्क्रमण पुष्टि भएको छ । त्यसैगरी सुनसरीमा सात जना पुरूष र १५ जना महिला गरी २२ जना, मोरङमा १७ जना पुरूष र १४ जना महिला गरी ३१ जना, उदयपुरमा तीन जना पुरूष र एक जना महिला गरी चार जना, भोजपुरमा तीन जना पुरूष, धनकुटामा तीन जना पुरूष र दुई जना महिला गरी पाँच जना, खोटाङमा चार जना पुरूष र दुई जना महिला गरी ६ जना, पाँचथरमा चार जना पुरूष र एक जना महिला गरी पाँच जना, ताप्लेजुङमा दुई जना महिला, इलाममा चार जना पुरूष र एक जना महिला गरी पाँच जना, ओखलढुङ्गामा दुई जना पुरूष र एक जना महिला गरी तीन जना, सङ्खुवासभामा दुई जना पुरूष, सोलखुम्बुमा चार जना पुरूष र तेहृथुममा एक जना महिलामा कोभिड–१९ को सङ्क्रमण पुष्टि भएको छ । प्रदेश १ मा रहेका कोशी कोभिड–१९ अस्पताल, प्रदेश जनस्वास्थ्य प्रयोगशाला, वीपी कोइराला स्वास्थ्य विज्ञान प्रतिष्ठान घोपा प्रयोगशाला, मेची अस्पताल प्रयोगशाला, कोटीहोम प्रयोगशाला, नोवेल अस्पताल प्रयोगशाला, विराट अस्पताल प्रयोगशाला र न्यूरो अस्पताल प्रयोगशालामा गरिएको कोभिड–१९ को परीक्षणमा प्रदेश १ मा एक साताको अवधिमा १ सय १३ जनामा कोभिड–१९ को सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।


अनलाइन डेस्क