समाचारहरू

स्वास्थ्य तथा जनसङ्ख्या मन्त्रालयका अनुसार यो एक साताको अवधिमा परीक्षण गरिएकामध्ये ६ प्रतिशतमा कोभिड सङ्क्रमण पुष्टि भएको छ । यो साता २५ जना केभिड सङ्क्रमितको मृत्यु भएको तथ्याङ्कले देखाउँछ । एक सातामा ३८ हजार ५ सय ३४ ओटा स्वाब परीक्षण गरिएको मन्त्रालयले जनाएको छ । यो साता २ हजार २ सय ६५ जनामा कोभिड–१९ को सङ्क्रमण देखिएको मन्त्रालयले जनाएको छ । एक सातामा ११ हजार १ सय ३ जना सङ्क्रमित निको भए ।

प्रदेश १

स्वास्थ्य तथा जनसङ्ख्या मन्त्रालयका अनुसार ०७८ फागुन २ गतेदेखि फागुन ९ गतेसम्मको अवधिमा झापामा ६६ जना पुरूष र ४९ जना महिला गरी १ सय १५ जनामा कोभिड–१९ को सङ्क्रमण पुष्टि भएको छ । त्यसैगरी सुनसरीमा ३६ जना पुरूष र ४० जना महिला गरी ७६ जना, मोरङमा ६७ जना पुरूष र ७९ जना महिला गरी १ सय ४६ जना, उदयपुरमा नौ जना पुरूष र चार जना महिला गरी १३ जना, भोजपुरमा आठ जना पुरूष र १० जना महिला गरी १८ जना, धनकुटामा आठ जना पुरूष र तीन जना महिला गरी ११ जना, खोटाङमा ११ जना पुरूष र तीन जना महिला गरी १४ जना, पाँचथरमा १० जना पुरूष र आठ जना महिला गरी १८ जना, ताप्लेजुङमा तीन जना पुरूष र तीन जना महिला गरी ६ जना, इलाममा १० जना पुरूष र तीन जना महिला गरी १३ जना, ओखलढुङ्गामा पाँच जना पुरूष र ६ जना महिला गरी ११ जना, सोलुखुम्बुमा सात जना पुरूष र एक जना महिला गरी आठ जना, सङ्खुवासभामा पाँच जना पुरूष र तीन जना महिला गरी आठ जना र तेहृथुममा ६ जना पुरूष र सात जना महिला गरी १३ जनामा कोभिड–१९ को सङ्क्रमण पुष्टि भएको छ । प्रदेश १ मा रहेका कोशी कोभिड–१९ अस्पताल, प्रदेश जनस्वास्थ्य प्रयोगशाला, वीपी कोइराला स्वास्थ्य विज्ञान प्रतिष्ठान घोपा प्रयोगशाला, मेची अस्पताल प्रयोगशाला, कोटीहोम प्रयोगशाला, नोवेल अस्पताल प्रयोगशाला, विराट अस्पताल प्रयोगशाला र न्यूरो अस्पताल प्रयोगशालामा गरिएको कोभिड–१९ को परीक्षणमा प्रदेश १ मा एक साताको अवधिमा ४ हजार ७० जनामा कोभिड–१९ को सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

गण्डकी प्रदेश

प्रदेश सरकार स्वास्थ्य तथा जनसङ्ख्या मन्त्रालय, स्वास्थ्य निर्देशनालय गण्डकी प्रदेशको फागुन ९ गतेको तथ्याङ्क अनुसार प्रदेशमा कुल १ लाख १ हजार ७ सय ४५ जना कोभिड–१९ बाट सङ्क्रमित भएका छन् । हाल कास्कीमा ५ सय भन्दा बढी सक्रिय सङ्क्रमित रहेका छन् । गण्डकी प्रदेशमा रहेका सक्रिय सङ्क्रमित मध्ये ८ सय ९१ जना होम आइसोलेशन, १२ जना संस्थागत आइसोलेशन र चार जना आइसियूमा रहेका छन् । प्रदेशमा कोभिड–१९ को सङ्क्रमणबाट कुल १ हजार ४ सय ६४ जनाको मृत्यु भएको छ । प्रदेश सरकार स्वास्थ्य जनसङ्ख्या मन्त्रालयको तथ्याङ्क अनुसार फागुन ९ गतेसम्म गण्डकी प्रदेशमा १८ वर्ष माथिका उमेर समुहले कोभिड–१९ विरुद्ध  १ सय ३ प्रतिशतले खोपको पहिलो मात्रा लगाएका छन् भने १ सय प्रतिशतले खोपको पूर्ण मात्रा लगाएका छन् । त्यस्तै १२ देखि १७ वर्षसम्मका उमेर समूहमा ५७ प्रतिशतले खोपको पूर्ण मात्रा लगाएका छन् भने ९१ प्रतिशतले खोपको पहिलो मात्रा लगाएका छन् । प्रदेश भर कुल ६ प्रतिशतले खोपको थप मात्रा (बुस्टर) लगाएका छन् ।

अनलाइन डेस्क