समाचारहरू

स्वास्थ्य तथा जनसङ्ख्या मन्त्रालयका अनुसार यो एक साताको अवधिमा परीक्षण गरिएकामध्ये ३.३८ प्रतिशतमा कोभिड सङ्क्रमण पुष्टि भएको छ । यो साता २४ जनाको मृत्यु भएको तथ्याङ्कले देखाउँछ । एक सातामा ५० हजार ४ सय ५८ ओटा स्वाब परीक्षण गरिएको मन्त्रालयले जनाएको छ । यो साता १ हजार ७ सय ६ जनामा कोभिड–१९ को सङ्क्रमण देखिएको मन्त्रालयले जनाएको छ । एक सातामा २ हजार २ सय ९३ जना सङ्क्रमित निको भए भने २४ जनाको मृत्यु भएको मन्त्रालयले जनायो ।

कोभिड-१९ को भाइरसमा नयाँ उत्परिवर्तन देखिएको छ । नयाँ उत्परिवर्तित भेरिएन्टलाई ओमीक्रोन नाम दिइएको छ । यो भेरीएन्ट पहिलो पटक २४ नोभेम्बर २०२१ मा दक्षिण अफ्रिकामा पुष्टि भएको स्वास्थ्य तथा जनसङ्ख्या मन्त्रालयले जनाएको छ । विश्व स्वास्थ्य सङ्गठनले गरेको प्रारम्भिक आँकलन अनुसार दक्षिण पूर्वी एसियामा ओमीक्रोनको उच्च जोखिम रहेको उल्लेख छ। मङ्सिर ३ गते नया भेरिएन्ट पुष्टि भएको देश हुँदै आएका ६६ वर्षीय विदेशी नागरिक र उनको सम्पर्कमा रहेका ७१ वर्षिय नेपाली गरी दुई जनालाई ओमीक्रोन पुष्टि भएको छ । मङ्सिर १९ गते उनीहरूमा सो पुष्टि भएको हो ।

प्रदेश १

स्वास्थ्य तथा जनसङ्ख्या मन्त्रालयका अनुसार ०७८ मङ्सिर १३ गतेदेखि २० गतेसम्मको अवधिमा झापामा ५१ जना पुरूष र २४ जना महिला गरी ७५ जनामा कोभिड–१९ को सङ्क्रमण पुष्टि भएको छ । त्यसैगरी सुनसरीमा २६ जना पुरूष र १७ जना महिला गरी ४३ जना, मोरङमा ५९ जना पुरूष र ४४ जना महिला गरी १ सय ३ जना, उदयपुरमा आठ जना पुरूष र दुई जना महिला गरी १० जना, भोजपुरमा चार जना पुरूष र तीन जना महिला गरी सात जना, धनकुटामा एक जना पुरूष र दुई जना महिला गरी तीन जना, खोटाङमा ६ जना पुरूष, ओखलढुङ्गामा चार जना पुरूष,सोलुखुम्बमा तीन जना पुरूष, पाँचथरमा दुई जना  पुरूष र एक जना महिला गरी तीन जना, ताप्लेजुङमा एक जना पुरूष,सङ्खुवासभामा पाँच जना पुरूष र दुई जना महिला गरी सात जना र तेहृथुममा एक जना पुरूषमा कोभिड–१९ को सङ्क्रमण पुष्टि भएको छ । यो साता इलाममा कोभिड–१९ को सङ्क्रमण पुष्टि नभएको मन्त्रालयले जनाएको छ । प्रदेश १ मा रहेका कोशी कोभिड–१९ अस्पताल,प्रदेश जनस्वास्थ्य प्रयोगशाला, वीपी कोइराला स्वास्थ्य विज्ञान प्रतिष्ठान घोपा प्रयोगशाला, मेची अस्पताल प्रयोगशाला, कोटीहोम प्रयोगशाला, नोवेल अस्पताल प्रयोगशाला, विराट अस्पताल प्रयोगशाला र न्यूरो अस्पताल प्रयोगशालामा गरिएको कोभिड–१९ को परीक्षणमा प्रदेश १ मा एक साताको अवधिमा २ सय ६६ जनामा कोभिड–१९ को सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

गण्डकी प्रदेश

प्रदेश सरकार स्वास्थ्य तथा जनसङ्ख्या मन्त्रालय, स्वास्थ्य निर्देशनालय गण्डकी प्रदेशको मङ्सिर २० गतेको तथ्याङ्क अनुसार प्रदेशमा कुल ८८ हजार ३७ जना कोभिड–१९ बाट सङ्क्रमित भएका छन् । हाल कास्की र नवलपरासी पूर्वमा २ सय भन्दा बढी सक्रिय सङ्क्रमित रहेका छन् भने मनाङ र मुस्ताङमा सक्रिय सङ्क्रमित छैनन् । गण्डकी प्रदेशमा रहेका सक्रिय सङ्क्रमित मध्ये १ हजार १४ जना होम आइसोलेशन, ४२ जना संस्थागत आइसोलेशन र आठ जना आइसीयूमा रहेका छन् । प्रदेशमा कोभिड–१९ को सङ्क्रमणबाट कुल १ हजार ४ सय २१ जनाको मृत्यु भएको छ । प्रदेश सरकार स्वास्थ्य जनसङ्ख्या मन्त्रालयको तथ्याङ्क अनुसार मङ्सिर २० गतेसम्म गण्डकी प्रदेशमा कोभिड–१९ विरुद्ध ७ लाख ६१ हजार ८ सय ९१ जनाले पूर्ण खोप लगाएका छन् भने १२ लाख ३० हजार ७ सय ६० जनाले खोपको पहिलो मात्रा लगाएका छन् ।

लुम्बिनी प्रदेश

लुम्बिनी प्रदेशमा यस साता १ सय १७ जना कोभिड सङ्क्रमित भए । जसमध्ये ६८ जना पुरुष र ४९ जना महिला रहेका छन् । यो साता रुपन्देहीमा सबैभन्दा बढी ४५ जनामा कोभिड पुष्टि भयो । अर्घाखाँचीमा सात, बाँकेमा १२, बर्दियामा १०, दाङमा नौ,  गुल्मीमा नौ, कपिलवस्तुमा ६, पाल्पामा सात, प्यूठानमा तीन, रोल्पामा दुई, नवलपरासी पश्चिममा एक जना सङ्क्रमित रहेका छन् । प्रदेशमा पछिल्लो २४ घण्टामा २० जनामा कोभिड सङ्मण पुष्टि भएको छ । २ सय भन्दा बढी सक्रिय सङ्क्रमित बाँकेमा रहेका छन् । लुम्बिनी प्रदेशमा २ सय भन्दा बढी सक्रिय सङ्क्रमित रुपन्देही र बाँकेमा  रहेका छन् । होम आइसोलेशनमा ८ हजार ५८, संस्थागत आइसोलेशनमा ४१, आइसीयूमा १६ जना र भेण्टीलेटरमा दुई जना सङ्क्रमितको उपचार भइरहेको छ । स्वास्थ्य तथा जनसङ्ख्या मन्त्रालयका अनुसार लुम्बिनी प्रदेशमा १ हजार ८ सय २० जनाको कोभिडबाट मृत्यु भइसकेको छ ।

कर्णाली प्रदेश

कर्णाली प्रदेशमा १ लाख ८० हजार २ सय ९५ कोभिड –१९ परीक्षण गरेकोमा हालसम्म ३३ हजार ९ सय ५९ जनामा कोभिड–१९ सङ्क्रमण पुष्टि भएको छ । कर्णाली प्रदेश स्वास्थ्य निर्देशनालयका अनुसार हालसम्म ३२ हजार २ सय ११ जना कोभिडलाई जितेर घर फर्किएका छन् । हाल आइसोलेशनमा ५ जना रहेका छन्, भने मृत्यु हुनेको सङ्ख्या ३ सय ८७ रहेको छ । यो हप्ता २२ जना मात्रै नयाँ सङ्क्रमित थपिएका छन । सातामा कोभिडबाट एकजनाको पनि मृत्यु नभएको निर्देशनालयले जनाएको छ । पछिल्लो २४ घण्टामा ५८ जनाले परीक्षण गरेकोमा ६ जना सङ्क्रमित भेटिएका छन् ।

सुदूरपश्चिम प्रदेश

सुदूरपश्चिम प्रदेश समाजिक विकास मन्त्रालय स्वास्थ्य निर्देशनालय राजपुर, डोटीका अनुसार सुदूरपश्चिम प्रदेशमा २०७८ मङ्सिर १४ गतेदेखि २०७८ मङ्सिर २० गतेसम्म ५७ जनामा सङ्क्रमण पुष्टि भएको छ । मङ्सिर २० गते मात्रै सुदूरपश्चिमका कैलालीमा दुई र अन्य जिल्लामा एक जना गरी तीन जनामा सङ्क्रमण पुष्टि भएको छ । यस साता कोभिड सङ्क्रमितबाट एक जनाको मुत्यु भएसँगै यस प्रदेशमा मृत्यु हुनेको सङ्ख्या ६ सय १० जना रहेको सुदूरपश्चिम प्रदेश समाजिक विकास मन्त्रालय स्वास्थ्य निर्देशनालय राजपुर, डोटीले जनाएकोे छ । मङ्सिर २० गतेसम्म दुई जना महिलासहित चार जना आइसोलेशनमा रहेका छन् । अधिल्लो २४ घण्टामा भेन्टीलेटरमा एक जना र आइसियुमा ६ जना गरी सात जना बिरामीहरुको उपचार भइरहेको मन्त्रालयले जनाएको छ । हालसम्म ४ लाख १२ हजार ८ सय ७३ जनाको कोभिड परीक्षण भएकोमा ४८ हजार ७९ जनामा सङ्क्रमण पुष्टि भइसकेको छ । स्वास्थ्य तथा जनसङ्ख्या मन्त्रालयका अनुसार सुदूरपश्चिम प्रदेशमा कोभिशिल्ड पहिलो खोप पाउनेको सङ्ख्या २ लाख ८३ हजार ३ जना रहेकोमा कोभिशिल्ड दोस्रो खोप २ लाख १ हजार ४ सय २१ जनाले मात्रै पाएका छन् । यसैगरी भेरोसेल पहिलो खोप पाउनेको सङ्ख्या ७ लाख १६ हजार १ सय ५० जना रहेकोमा भेरोसेल दोस्रो खोप ४ लाख १८ हजार ३ सय ५८ जनाले मात्रै पाएका छन् । जोन्सन एण्ड जोन्सन कम्पनीको खोप १ लाख ४२ हजार २ सय ९९  जनालाई लगाइएको छ । नेपाल सरकार स्वास्थ्य तथा जनसङ्ख्या मन्त्रालयका अनुसार अघिल्लो २४ घण्टामा कोभिशिल्ड पहिलो खोप २० हजार १ सय ८६ र दोस्रो खोप १८ हजार १ सय २२ जनाले पाएका छन् । यसैगरी भेरोसेल पहिलो खोप ५८ हजार ६ सय २१ जना र दोस्रो खोप ९ हजार १ सय २० जनाले पाएका छन् । जोन्सन एण्ड जोन्सन कम्पनीको खोप ५ सय ५४ जनाले पाएका छन् ।

अनलाइन डेस्क