समाचारहरू

साउन २६ गते ४ सय ६५ जनामा कोभिड-१९ को सङ्क्रमण पुष्टि भएसँगै सङ्क्रमितको सङ्ख्या ९ लाख ९२ हजार १ सय ४६ पुगेको स्वास्थ्य तथा जनसङ्ख्या मन्त्रालयले जनाएको छ । गत २४ घण्टामा २ हजार ४ सय ११ ओटा स्वाब पिसिआर परीक्षणका लागि सङ्कलन गरेको पनि मन्त्रालयले जनाएको छ । सङ्क्रमितमध्ये ९ लाख ७४ हजार २ सय ९५ जना निको भएका छन् । साउन २६ गते ४ सय ७६ जना निको भएका छन् भने निको हुनेको दर ९८.२ प्रतिशत रहेको मन्त्रालयले जनाएको छ । सक्रिय सङ्क्रमितको सङ्ख्या ५ हजार ८ सय ६९ रहेको छ ।

साउन २६ गतेसम्म ११ हजार ९ सय ८२ जना कोभिड सङ्क्रमितको मृत्यु भएको मन्त्रालयले जनाएको छ । साउन २६ गते पाँच जना कोभिड सङ्क्रमितको मृत्यु भएको मन्त्रालयले जनाएको छ । मन्त्रालयका अनुसार साउन २६ गते २ हजार १ सय २३ ओटा स्वाब एण्टिजेन विधिबाट परीक्षण गरेकामा ३ सय ५० जनालाई कोभिड पुष्टि भएको छ । साउन २६ गतेसम्म एण्टिजेन विधिबाट गरिएको परीक्षणमा १ लाख ४६ हजार २ सय ९९ जनालाई कोभिड पुष्टि भएको छ । साउन २६ गतेसम्म २ करोड ६ लाख ४६ हजार ३ सय ७९ जनालाई पुर्ण खोप लगाइएको मन्त्रालयले जनाएको छ ।

अनलाइन डेस्क