समाचारहरू

साउन २२ गते ४ सय ५१ जनामा कोभिड-१९ को सङ्क्रमण पुष्टि भएसँगै सङ्क्रमितको सङ्ख्या ९ लाख ९० हजार १ सय २७ पुगेको स्वास्थ्य तथा जनसङ्ख्या मन्त्रालयले जनाएको छ । गत २४ घण्टामा २ हजार ४० ओटा स्वाब पिसिआर परीक्षणका लागि सङ्कलन गरेको पनि मन्त्रालयले जनाएको छ । सङ्क्रमितमध्ये ९ लाख ७२ हजार ४ सय ९७ जना निको भएका छन् । साउन २२ गते ४ सय ३३ जना निको भएका छन् भने निको हुनेको दर ९८.२ प्रतिशत रहेको मन्त्रालयले जनाएको छ । सक्रिय सङ्क्रमितको सङ्ख्या ५ हजार ६ सय ५९ रहेको छ ।

साउन २२ गतेसम्म ११ हजार ९ सय ७१ जना कोभिड सङ्क्रमितको मृत्यु भएको मन्त्रालयले जनाएको छ । साउन २२ गते कोभिड सङ्क्रमितको मृत्यु नभएको मन्त्रालयले जनाएको छ । मन्त्रालयका अनुसार साउन २२ गते १ हजार ७ सय ४९ ओटा स्वाब एण्टिजेन विधिबाट परीक्षण गरेकामा १ सय २ जनालाई कोभिड पुष्टि भएको छ ।

साउन २२ गतेसम्म एण्टिजेन विधिबाट गरिएको परीक्षणमा १ लाख ४४ हजार ६ सय ११ जनालाई कोभिड पुष्टि भएको छ । साउन २२ गतेसम्म २ करोड ६ लाख २६ हजार ४ सय ९४ जनालाई पुर्ण खोप लगाइएको मन्त्रालयले जनाएको छ ।

तेहृथुम प्रतिनिधि सुरेश खत्रीका अनुसार कोभिड–१९ सङ्क्रमण बढेको भन्दै मेन्छयायेम गाउँपालिकाकाले साउन २३ गतेदेखि साउन २६ गतेसम्म विद्यालय बन्द गर्ने निर्णय गरेको छ । कोभिड–१९ सँग मिल्दोजुल्दो लक्षण देखिएकाले सामुदायिक र निजी विद्यालय बन्द गर्ने निर्णय गरिएको गाउँपालिकाका अध्यक्ष यादवबहादुर खापुङद्वारा साउन २२ गते जारी सूचनामा उल्लेख छ ।

अनलाइन डेस्क