समाचारहरू

जेठ २८ गते नौ जनामा कोभिड-१९ को सङ्क्रमण पुष्टि भएसँगै सङ्क्रमितको सङ्ख्या ९ लाख ७९ हजार २ सय ५१ पुगेको स्वास्थ्य तथा जनसङ्ख्या मन्त्रालयले जनाएको छ । गत २४ घण्टामा १ हजार १ सय ९३ ओटा स्वाब पिसिआर परीक्षणका लागि सङ्कलन गरेको पनि मन्त्रालयले जनाएको छ । सङ्क्रमितमध्ये ९ लाख ६७ हजार १ सय ९२ जना निको भएका छन् । जेठ २८ गते ११ जना निको भएका छन् भने निको हुनेको दर ९८.८ प्रतिशत रहेको मन्त्रालयले जनाएको छ ।

जेठ २८ गतेसम्म ११ हजार ९ सय ५२ जना कोभिड सङ्क्रमितको मृत्यु भएको मन्त्रालयले जनाएको छ । जेठ २८ गते कोभिड सङ्क्रमितको मृत्यु नभएको मन्त्रालयले जनाएको छ । सक्रिय सङ्क्रमितको सङ्ख्या १ सय ७ रहेको छ । मन्त्रालयका अनुसार जेठ २८ गते ९ सय ८० ओटा स्वाब एण्टिजेन विधिबाट परीक्षण गरेकामा आठ जनालाई कोभिड पुष्टि भएको छ ।

जेठ २८ गतेसम्म एण्टिजेन विधिबाट गरिएको परीक्षणमा १ लाख ४० हजार ३ सय ३० जनालाई कोभिड पुष्टि भएको छ । जेठ २८ गतेसम्म १ करोड ९९ लाख ८१ हजार ६ सय ६५ जनालाई पुर्ण खोप लगाइएको मन्त्रालयले जनाएको छ ।

 अनलाइन डेस्क