समाचारहरू

मङ्सिर १७ गते १ हजार ४ सय ९० जनामा कोभिड–१९ को सङ्क्रमण पुष्टि भएसँगै सङ्क्रमितको सङ्ख्या २ लाख ३६ हजार २ सय ६४ पुगेको स्वास्थ्य तथा जनसङ्ख्या मन्त्रालयले जनाएको छ । गत २४ घण्टामा ८ हजार ३ सय ओटा नमूना परीक्षण गरेको पनि मन्त्रालयले जनाएको छ । सङ्क्रमितमध्ये २ लाख १८ हजार १ सय ६१ जना निको भएका छन् । मङ्सिर १७ गते १ हजार ५ सय ६७ जना निको भएका छन् भने निको हुनेको दर ९२.३ प्रतिशत रहेको मन्त्रालयले जनाएको छ । मङ्सिर १७ गतेसम्म १ हजार ५ सय ३८ जना कोभिड सङ्क्रमितको मृत्यु भएको मन्त्रालयले जनाएको छ । १६ हजार ५ सय ४७ जनाको उपचार भइरहेको छ । १० हजार ७ सय ४१ जना होम आइसोलेशनमा छन् भने ३ सय ६५ जनाको उपचार आइसीयूमा र ६४ जनाको उपचार भेण्टिलेटरमा भइरहेको छ । मन्त्रालयका अनुसार मनाङ र डोल्पामा सक्रिय सङ्क्रमित छैनन् भने झापा, काठमाडौँ, ललितपुर, भक्तपुर र कास्कीमा ५ सयभन्दा बढी सक्रिय सङ्क्रमित छन् ।

अनलाइन डेस्क