समाचारहरू

वैशाख १ गते तीन जनामा कोभिड-१९ को सङ्क्रमण पुष्टि भएसँगै सङ्क्रमितको सङ्ख्या ९ लाख ७८ हजार ६ सय ३४ पुगेको स्वास्थ्य तथा जनसङ्ख्या मन्त्रालयले जनाएको छ । गत २४ घण्टामा २ हजार २ सय ६२ ओटा स्वाब पिसिआर परीक्षणका लागि सङ्कलन गरेको पनि मन्त्रालयले जनाएको छ । सङ्क्रमितमध्ये ९ लाख ६६ हजार २ सय ४ जना निको भएका छन् । वैशाख १ गते ४४ जना निको भएका छन् भने निको हुनेको दर ९८.७ प्रतिशत रहेको मन्त्रालयले जनाएको छ ।

वैशाख १ गतेसम्म ११ हजार ९ सय ५१ जना कोभिड सङ्क्रमितको मृत्यु भएको मन्त्रालयले जनाएको छ । वैशाख १ गते कोभिड सङ्क्रमितको मृत्यु नभएको मन्त्रालयले जनाएको छ । सक्रिय सङ्क्रमितको सङ्ख्या ४ सय ७९ रहेको छ ।

मन्त्रालयका अनुसार वैशाख १ गते १ हजार ८० ओटा स्वाब एण्टिजेन विधिबाट परीक्षण गरेकामा एक जनालाई सङ्क्रमण भएको छ । वैशाख १ गतेसम्म एण्टिजेन विधबाट गरिएको परीक्षणमा १ लाख ४० हजार १ सय ५८ जनालाई कोभिड पुष्टि भएको छ । वैशाख १ गतेसम्म १ करोड ९३ लाख ५९ हजार ७ सय ८२ जनालाई पुर्ण खोप लगाइएको मन्त्रालयले जनाएको छ ।

अनलाइन डेस्क