समाचारहरू

चैत ३० गते १५ जनामा कोभिड-१९ को सङ्क्रमण पुष्टि भएसँगै सङ्क्रमितको सङ्ख्या ९ लाख ७८ हजार ६ सय ३१ पुगेको स्वास्थ्य तथा जनसङ्ख्या मन्त्रालयले जनाएको छ । गत २४ घण्टामा ३ हजार ३ सय ४९ ओटा स्वाब पिसिआर परीक्षणका लागि सङ्कलन गरेको पनि मन्त्रालयले जनाएको छ । सङ्क्रमितमध्ये ९ लाख ६६ हजार १ सय ६० जना निको भएका छन् ।

चैत ३० गते ४९ जना निको भएका छन् भने निको हुनेको दर ९८.७ प्रतिशत रहेको मन्त्रालयले जनाएको छ । चैत ३० गतेसम्म ११ हजार ९ सय ५१ जना कोभिड सङ्क्रमितको मृत्यु भएको मन्त्रालयले जनाएको छ । चैत ३० गते कोभिड सङ्क्रमितको मृत्यु नभएको मन्त्रालयले जनाएको छ । सक्रिय सङ्क्रमितको सङ्ख्या ५ सय २० रहेको छ ।

मन्त्रालयका अनुसार चैत ३० गते १ हजार ३ सय ६६ ओटा स्वाब एण्टिजेन विधिबाट परीक्षण गरेकामा चार जनालाई सङ्क्रमण भएको छ । चैत ३० गतेसम्म एण्टिजेन विधबाट गरिएको परीक्षणमा १ लाख ४० हजार १ सय ५७ जनालाई कोभिड पुष्टि भएको छ । चैत ३० गतेसम्म १ करोड ९३ लाख ३६ हजार ६ सय ४ जनालाई पुर्ण खोप लगाइएको मन्त्रालयले जनाएको छ ।

अनलाइन डेस्क